Try biełarusy z roznych krain zapisali sumiesny kaladny trek
Biełaruskija vykanaŭcy, jakija ciapier žyvuć u roznych krainach i vystupajuć u roznych žanrach, zapisali na Kalady sumiesny ekśpierymientalny trek. U jaho stvareńni pryniali ŭdzieł Lastoůski (Polšča), Yasinski (Čechija) i Baisan (biełarus z Ukrainy), piša Reform.by.
U zapisanym treku kaladnaja duda spałučyłasia z atmaśfiernym bajanam i lirykaj, adpaviednaj kaladnamu nastroju 2023 hoda. Dla artystaŭ hetaja pieśnia jość «rekordnym relizam pa časie i efiektyŭnaści».
Lastoůski — prajekt biełarusa z Krakava, viadomy vykanańniem vieršaŭ kłasikaŭ i kałabaracyjami z šyrokim kołam muzykaŭ, tvorčy kreatyŭny chab.
Yasinski — bajanist Alaksandr Jasinski, viadomy ŭ Biełarusi i Čechii solny vykanaŭca, kampazitar, udzielnik hurtoŭ Shum Davar, Iva Marešová, Razam.
Baisan (Aleś Płotka) — litaratar, frantmien hurta Sož.
