Załužny: Ukraina vyzvaliła 40% svaich terytoryj, akupavanych Rasijaj z 24 lutaha
Hałoŭnakamandujučy Uzbrojenymi siłami Ukrainy Valeryj Załužny padvioŭ vyniki 2022 hoda.
Fota: Andrii Nesterenko/Facebook
Pa źviestkach Załužnaha, za apošnija miesiacy USU vyzvalili kala 40 tysiač kvadratnych kiłamietraŭ Ukrainy — heta 40% ad taho, što Rasija zachapiła paśla 24 lutaha 2022 hoda. Na hety momant linija frontu na sušy praciahnułasia amal na čatyry tysiačy kiłamietraŭ, a aktyŭnyja bajavyja dziejańni adbyvajucca na ŭčastku 1500 kiłamietraŭ.
Akramia hetaha, Załužny adznačyŭ, što USU ŭdałosia za čas vajny ažyćciavić evakuacyju bolš jak 600 tysiač mirnych žycharoŭ z zony bajavych dziejańniaŭ, a taksama dastavić i raźmierkavać dva miljony ton humanitarnych hruzaŭ.
U paviedamleńni Załužnaha taksama havorycca, što za hod USU ačyścili ad vybuchovaniebiaśpiečnych pradmietaŭ bolš za 1300 hiektaraŭ terytoryj, a taksama źniščyli 41 tysiaču vybuchovaniebiaśpiečnych pradmietaŭ.
Nastup USU, jaki pačaŭsia ŭ kancy leta, dazvoliŭ Ukrainie deakupavać vialikija terytoryi, zachoplenyja Rasijaj paśla 24 lutaha. U pryvatnaści, da siaredziny vieraśnia USU praktyčna całkam vyzvalili Charkaŭskuju vobłaść, a ŭ listapadzie ŭkrainskija vajskoŭcy ŭvajšli ŭ horad Chierson.
