Zmanliva prostaja zadača pra załatyja karali
Ci zmožacie vy zaaščadzić hrošy dziakujučy matematyčnaj łohicy?
Zadača
Korpajučysia na haryščy svajoj prababuli, vy znachodzicie 5 karotkich łancužkoŭ, kožny ź jakich składajecca z 4 załatych źvionaŭ. Vam prychodzić u hałavu, što, kali vy abjadnajecie ich usie ŭ adnu vialikuju piatlu z 20 źvionaŭ, u vas atrymajucca nievierahodnyja karali. Takim čynam, vy prynosicie piać łancužkoŭ da juvielira, jaki kaža, što košt vyrabu karalaŭ składzie 10 dalaraŭ za kožnaje załatoje źviano, jakoje jon pavinien razarvać, a potym znoŭ zapiačatać.
Kolki heta budzie kaštavać i ci možna zaaščadzić?
Padkazka
Jana vam nie patrebnaja.
Adkaz znojdziecie pad fota.
Fota: vecteezy
Rašeńnie
Samym prostym padychodam było b razarvać adno źviano na kancy kožnaha ź piaci łancužkoŭ, a zatym znoŭ prymacavać jaho da nastupnaha łancužka ŭ piatli. Heta budzie kaštavać vam 50 dalaraŭ za piać źvionaŭ.
Ale vy možacie zrabić heta za 40 dalaraŭ. Zamiest taho, kab razryvać adno źviano ŭ kožnym łancuhu, razarvicie ŭsie čatyry źviony ŭ adnym z łancužkoŭ, a potym vykarystoŭvajcie hetyja čatyry źviony, kab złučyć astatnija čatyry łancuhi razam. Ciapier vy zaaščadzili 10 dalaraŭ. Vykarystajcie ich dla čahości dobraha.
jak? a voś tak -
+°°°°8°°°°8°°°°-
tolki na miescy 8 ujavicie łancužok z 4 załatych źvionaŭ, a minus zamknicie na +
* dla taho, kab daznacca, jak zaviecca heta chrenovina (kalje), daviałosia huhlić. bo viedać nie viedaju ŭpryhažeńniaŭ. ad słova zusim