Žycharka Mazyra padrabiła zapis u pracoŭnaj knižcy, kab uładkavacca na novaje miesca
49-hadovaja žycharka Mazyra pracavała śpiecyjalistam pa kadrach i spravavodstvie ŭ meblevaj kramie. U kancy leta jana vyrašyła zvolnicca i ŭładkavacca na novaje miesca.
Z-za taho, što nie byŭ vykanany vyznačany kiraŭnictvam handlovaj ustanovy abjom rabot, kadravik vyrašyła nie prychodzić na pracu, a apaviaścić najmalnika ab svaim rašeńni pa pošcie.
Dyrektar kramy byŭ inšaha mierkavańnia, jon prapanavaŭ padnačalenaj usio ž padać zajavu asabista. Tady mazyranka samastojna ŭniesła zapis ab zvalnieńni ŭ pracoŭnuju knižku, napisała charaktarystyku ź miesca pracy i z dakumientami pryjšła da novaha pracadaŭcy. Toj ničoha nie zapadozryŭ i naniaŭ rabotnika.
Nieŭzabavie dyrektaru kramy stała viadoma, što jaje pracaŭnik, nie zvolniŭšysia naležnym čynam, uładkavaŭsia na novaje miesca pracy. Kiraŭnik źviarnuŭsia z zajavaj u Mazyrski RAUS. Supracoŭniki milicyi praviali pravierku i vyvieli haradžanku na čystuju vadu.
Zaviedziena kryminalnaja sprava pa č. 1 art. 380 KK Respubliki Biełaruś «Padrobka, vyrab, vykarystańnie abo zbyt padroblenych dakumientaŭ, štampaŭ, piačatak».
