Siońnia ŭ katalikoŭ — Śviaty Mikałaj
6 śniežnia kataliki abodvuch abradaŭ ušanoŭvajuć pamiać śviatoha Mikałaja, biskupa Mirlikijskaha. Heta adzin z najbolš šanavanych chryścijanskich śviatych, ikona jakoha jość praktyčna ŭ kožnaj carkvie i ŭ mnohich siemjach.
Pra žyćcio śviatoha Mikałaja viadoma niašmat.
Jon doŭhija hady byŭ biskupam u Mirach, pravincyja Likija, u Małoj Azii. Braŭ udzieł u Pieršym Suśvietnym Sabory (325 h.) u Nikiei. Pamior kala 345 hoda. Usio svajo žyćcio pryśviaciŭ spravie miłasernaści dla dušy i cieła.
Tajamnica jahonaha vialikaha kultu siarod chryścijan u tym, što jon dla ŭsich staŭ simvałam achviarnaj lubvi da bližniaha i spačuvalnaj miłasernaści.
Paśla śmierci Boh prasłaviŭ jaho vyklučnym daram ździajśnieńnia cudaŭ, i tamu hetaha śviatoha vieličajuć Cudatvorcam.
Dzieciam u hety dzień robiać padarunki.
U pravasłaŭnych Śviaty Mikałaj budzie adznačacca 19 śniežnia.