Pad Hrodnam čałaviek skarystaŭsia nadzimanym matracam, kab vyratavać rybakoŭ, jakija patrapili ŭ biadu
Na voziery pad Hrodnam vyratavalnik prapoŭz 12 mietraŭ pa lodzie, kab dapamahčy rybakam, jakija tanuli, paviedamlaje Hrodzienskaje abłasnoje ŭpraŭleńnie MNS. Ale zmoh dapamahčy nie ŭsim.
Fota: grodno.mchs.gov.by
Dniom 3 śniežnia čałaviek, jaki prajazdžaŭ mima voziera ŭ ahraharadku Łuckaŭlany Hrodzienskaha rajona, pačuŭ kryki ab dapamozie: u vadzie znachodziłasia dvoje mužčyn.
Mužčyna patelefanavaŭ ratavalnikam, a sam kinuŭsia na dapamohu, skarystaŭšy dla hetaha nadzimany matrac. Praŭda, adzin z rybakoŭ pajšoŭ pad vadu i bolš na pavierchni nie źjaviŭsia, ale druhi paśpieŭ začapicca za matrac.
Fota: grodno.mchs.gov.by
Kali padjechali ratavalniki, to vyciahnuli abodvuch mužčyn na bierah. Bryhada «chutkaj dapamohi» špitalizavała vyratavanaha rybaka z dyjahnazam «ahulnaje pieraachaładžeńnie», jahonamu rataŭniku mieddapamoha nie spatrebiłasia.
Paśla rabotniki Tavarystva vyratavańnia na vodach na adlehłaści 70 mietraŭ ad bieraha znajšli i dastali z vady patanułaha mužčynu 1952 hoda naradžeńnia.
