Pradstaŭniki pałka Kalinoŭskaha sustrelisia z kiraŭnictvam Rovienskaj vobłaści
Vialikaja ŭvaha padčas sustrečy była nadadziena naładžvańniu adnosin pamiž biełaruskim i ŭkrainskim narodam, jakija pahoršylisia ŭ suviazi z ahresijaj va Ukrainu z terytoryi Biełarusi, paviedamlaje pres-słužba pałka.
Fota: belwarriors / Telegram
Bajcy pałka asablivy akcent zrabili na tym, što zaraz Biełaruś treba ŭsprymać jak akupavanuju terytoryju. «U budučyni ž ahresija Rasiei z terytoryi Biełarusi stanie niemahčymaj tolki kali kiravać našaj krainaj buduć nacyjanalna aryjentavanyja palityki, a nie maryjanietka Maskvy Łukašenka», — piša pres-słužba.
Kalinoŭcy sustrelisia z kiraŭnikom Rovienskaj abłasnoj vajskovaj administracyi Vitalom Kovalem, staršynioj Rovienskaj abłasnoj rady Andrejem Karaušam, deputatami Viarchoŭnaj rady, meram Roŭna Alaksandram Traciakom i sakratarom Rovienskaj haradskoj rady Viktaram Šakirzianam.
Taksama prajšła sustreča z kiraŭnikom patrulnaj palicyi Rovienskaj vobłaści Siarhiejem Mierčukom.
