Padalak: Va Ukrainie z 24 lutaha zahinuli da 13 tysiač vajskoŭcaŭ
Va Ukrainie z 24 lutaha zahinuli da 13 tysiač vajskoŭcaŭ. Pra heta zajaviŭ daradca kiraŭnika ofisa prezidenta Ukrainy Michaił Padalak.
Fota: AP
«U nas jość aficyjnyja acenki Hienieralnaha štaba, jość aficyjnyja acenki, jakija kaža Viarchoŭny hałoŭnakamandujučy. I jany dachodziać ad 10 da 12,5-13 tysiač zahinułych. Heta značyć, my adkryta kažam pra kolkaść zahinułych», — zajaviŭ Padalak u efiry ŭkrainskaha «24-ha kanała».
Tak jon prakamientavaŭ słovy prezidenta Jeŭrapiejskaj kamisii Ursuły fon der Lajen ab tym, što straty ŭkrainskaj armii składajuć 100 tys. vajskoŭcaŭ. Paźniej hetyja słovy byli vydalenyja z zapisu jaje vystupu.
Pa słovach Padalaka, va USU bolš strat z-za ranieńniaŭ vajskoŭcaŭ. A što tyčycca mirnych hramadzian, to zahinułych, pa jaho acency, navat bolš, čym nazvanyja fon der Lajen 20 tyciač achviar.
Dakładnuju ich kolkaść pakul nielha vyznačyć z-za akupacyi.
a kolki pakalečanych... biednyja ŭkraincy