U Italii zatrymali syna hubiernatara Krasnajarskaha kraja
Zatrymanaha ŭ Italii rasijskaha biznesmiena Arcioma Usa mohuć ekstradavać u ZŠA pa spravie ab admyvańni hrošaj i ŭchileńni ad sankcyj. Pra heta paviedamiŭ amierykanski Miniust.
Arciom Us
Pa viersii viedamstva, Arciom Us i jašče čaćviora rasijan udzielničali ŭ schiemach pa realizacyi nafty ź Vieniesueły z vykarystańniem padstaŭnych kampanij i kryptavalut, a taksama zajmalisia zakupkaj na Zachadzie podsankcyjnaj elektroniki padvojnaha pryznačeńnia i vajennych technałohij.
U amierykanskim Miniuście adznačyli, što akramia Usa ŭ Italii zatrymany jašče adzin abvinavačany. ZŠA damahajucca ich ekstradycyi.
Arciom Us — syn Alaksandra Usa, jaki kiruje rasijskim Krasnajarskim krajem z 2017 hoda. Us-starejšy ciapier taksama znachodzicca pad zachodnimi sankcyjami za padtrymku vajny va Ukrainie.
Dniami ŭ Narviehii z dronami na jachcie zatrymali taksama 47-hadovaha syna eks-kiraŭnika Rasijskaj čyhunki Andreja Jakunina. U jaho kanfiskavali dron i elektronnyja pryłady.
Čytajcie taksama:
U Narviehii zatrymali syna byłoha kiraŭnika Rasijskaj čyhunki
