U Hdańsku zatrymali biełarusa, jakoha padazrajuć u zamachu na zabojstva biazdomnaha
Supracoŭniki palicyi ŭziali pad vartu 25-hadovaha biełarusa. Jaho padazrajuć u zamachu na zabojstva 37-hadovaha čałavieka biez pastajannaha miesca žycharstva. Biełarusu pahražaje pažyćciovaje źniavoleńnie.
Fota: gdansk.policja.gov.pl
U minuły čaćvier u palicyju pastupiła paviedamleńnie, što ŭ adnym z pustych budynkaŭ znojdzieny čałaviek biez prytomnaści. Ź ciažkimi traŭmami jon byŭ špitalizavany. Palicyja vyśvietliła, što paciarpieły byŭ mocna źbity.
Kryminalisty pryjšli da vysnovy, što da złačynstva moža mieć dačynieńnie 25-hadovy biełarus, jaki žyvie ŭ Hdańsku i nie maje stałaha miesca žycharstva. Ranicaj u piatnicu mužčynu zatrymali. Jamu pradjavili abvinavačańnie ŭ zamachu na zabojstva. Sud zadavoliŭ chadajnictva śledstva i źmiaściŭ jaho pad vartu na try miesiacy.
Za zamach na zabojstva jamu pahražaje pažyćciovaje źniavoleńnie.