Revanš u minskim derbi, sustreča aŭtsajdaraŭ i viartańnie «Šachciora». Što nas čakaje ŭ šostym tury čempijanatu Biełarusi
Razam z Bukmiekierskaj kantoraj Marafon my praciahvajem sačyć za čempijanatam Biełarusi!
A ŭ im zastajecca ŭsio mienš intryh. «Słuck» zdoleŭ pieršym u turniry zabić BATE, ale prapuściŭ trojčy i ŭpieršyniu prajhraŭ. Jak i «Dniapro», jaki davoli niečakana sastupiŭ «Pramianiu» i padaravaŭ tamu histaryčnuju pieršuju pieramohu ŭ vyšejšaj lizie.
Taksama pieršyja viktoryi zdabyli «Isłač» i «Šachcior». Apošnija nie biez prablem abhulali minskaje «Tarpieda» i ŭ rešcie rešt paradavali svaich zaŭziataraŭ.
Pahladzim, što cikavaha moža prynieści nam nastupny tur.
«Słuck» — «Smalavičy»
- 04.05 / 18:30. Słuck, stadyjon «Haradski»
- Kaeficyjenty: «Słuck» (pieramoha) — 1.75, ničyja — 3.50, «Smalavičy» (pieramoha) — 4.82
Słuckija zaŭziatary narešcie dačakalisia viartańnia futbołu na svoj utulny stadyjon. Zdavałasia b, «Smalavičy» — davoli kamfortny supiernik dla matča-adkryćcia, ale debiutant «vyški» u apošnich turach pačaŭ hulać śmieła i vynikova.
Pakul hetaha nie chapaje dla pieršaj pieramohi, ale, zdajecca, jana nie za harami.
Prahnoz «NN»: totał bolšy za 2,5 (kaeficyjent 2,35).
«Viciebsk» — «Minsk»
- 05.05 / 15:30. Viciebsk, CSK «Viciebski»
- Kaeficyjenty: «Viciebsk» (pieramoha) — 1.75, ničyja — 3.50, «Minsk» (pieramoha) — 4.85
U papiarednim tury abiedźvie kamandy zhulali ŭničyju, chacia viali pa chodzie matča. «Viciebsk» bolš za 80 chvilin hulni sa «Smalavičami» hulaŭ udziesiacioch paśla vydaleńnia bramnika Dźmitryja Huščanki, jaki ŭ styli kunh-fu sustreŭ forvarda supiernikaŭ.
Niahledziačy na heta, viciablanie zdoleli pieršym zabić, ale zachavać pieramohu nie zmahli.
A «Minsk» zabiŭ trojčy bresckamu «Dynama», moh zabivać jašče stolki ž, ale ŭ vyniku junyja padnačalenyja Alaksandra Łuchviča zadavolilisia ničyjoj.
Na dadzieny momant «Viciebsk» jašče z tryma kamandami dzielić «bronzavy» radok turnirnaj tablicy. «Minsk» — treci ź inšaha kanca z nulom u hrafie «pieramohi». I naŭrad ci zdoleje heta pamianiać u subotu.
Prahnoz «NN»: pieramoha «Viciebska».
«Tarpieda-Minsk» — «Pramień»
- 05.05 / 17:30. Minsk, stadyjon FK «Minsk»
- Kaeficyjenty: «Tarpieda» (pieramoha) — 2.35, ničyja — 2.86, «Pramień» (pieramoha) — 3.46
«Tarpieda» pazicyjanuje hetuju hulniu jak matč-revanš za parazu ŭ apošnim tury letašniaj pieršaj lihi.
11.11.17 «Pramień» śviatkuje pieramohu nad «Tarpieda» i čempijonstva ŭ pieršaj lizie. Fota Hanny Zankovič.
Tady paraza «Tarpieda» nie dazvoliła kamandzie vyjści ŭ vyšejšuju lihu pa spartovych pakazčykach. Tolki admova «Krumkačam» u dopusku da licenzavańnia dała zialonaje śviatło «aŭtazavodcam» na šlachu da «vyški».
Pakul abiedźvie kamandy vyklikajuć davoli słaby hladacki intares. Ale tyja, chto naviedaje ŭ subotu «Kamvolščyk», pavinny stać śviedkami vielmi pryncypovaha matča. U jakim, peŭna, budzie mała hałoŭ, ale šmat baraćby.
Prahnoz «NN»: totał mienšy za 2,5 (kaeficyjent 1,40).
«Haradzieja» — «Homiel»
- 05.05 / 19:30. Haradzieja, stadyjon «Haradzieja»
- Kaeficyjenty: «Haradzieja» (pieramoha) — 2.35, ničyja — 2.86, «Homiel» (pieramoha) — 3.46
Sustreča hałoŭnych łuzieraŭ čempijanatu na siońniašni dzień. Ale «Haradzieja» chacia b pierastała prajhravać paśla troch parazaŭ na starcie, a voś z «Homielem» naohuł biada.
Da kamandy z poŭdnia Biełarusi ŭžo pryčapiłasia kliše «samaj panyłaj kamandy čempijanatu». Da trenierskaha štaba ŭsio bolš pytańniaŭ, a ad kamandy čakajuć usio mienš i mienš.
Prahnoz «NN»: pieramoha «Haradziei».
«Dynama-Minsk» — «Šachcior»
- 06.05 / 15:30. Minsk, stadyjon «Traktar»
- Kaeficyjenty: «Dynama-Minsk» (pieramoha) — 2.00, ničyja — 3.30, «Šachcior» (pieramoha) — 3.84
Niahledziačy na niaŭdały start u čempijanacie, nie treba śpisvać «Šachcior» z rachunkaŭ. Tym bolš pad kiraŭnictvam Siarhieja Tašujeva «harniaki» narešcie zdoleli pieramahčy.
Dzianis Łapcieŭ prynios «Šachcioru» pieršuju pieramohu ŭ «vyšcy». Fota FK «Šachcior»
Minskaje «Dynama» — nie samy ŭdały supiernik dla praciahu pieramožnaj sieryi. Minčanie, zdajecca, taksama nie vielmi zadavolenyja, bo lubaja strata ačkoŭ jašče pavialičyć adstavańnie ad BATE.
Prahnoz «NN»: totał mienšy za 2,5 (kaeficyjent 1.51).
«Tarpieda-BiełAZ» — «Dynama-Brest»
- 06.05 / 17:30. Žodzina, stadyjon «Tarpieda»
- Kaeficyjenty: «Tarpieda-BiełAZ» (pieramoha) — 2.70, ničyja — 3.10, «Dynama-Brest» (pieramoha) — 2.70
2 maja «Dynama» aformiła druhuju zapar pucioŭku ŭ finał Kubka Biełarusi. Kali ŭ hetym turniry ŭ bieraściejcaŭ usio jak maje być, to ŭ čempijanacie adzin z favarytaŭ siezona zachras u siaredzinie tablicy z adnoj pieramohaj paśla piaci turaŭ i admoŭnaj roźnicaj zabitych-prapuščanych.
Fiederacyja zamianiła reštu dyskvalifikacyi Alaksieja Haŭryłoviča adterminoŭkaj, tamu ŭzłamvać abaronu «Dynama» prahmatyčnaj kamandzie Aleha Kubarava budzie krychu ciažej.
Prahnoz «NN»: «Tarpieda-BiełAZ» nie sastupić (kaeficyjent 1,43).
«Isłač» — «Nioman»
- 06.05 / 19:30. Minsk, stadyjon FK «Minsk»
- Kaeficyjenty: «Isłač» (pieramoha) — 2.35, ničyja — 2.86, «Nioman» (pieramoha) — 3.46
«Isłač» — adna z troch kamand biahučaha čempijanatu, jakija dahetul nie prajhrajuć. A ŭ papiarednim tury navat pieramahła.
Fota: Ksienija Dzieraviaha.
«Nioman» ža nie zmoh ničoha supraćpastavić ni minskamu «Dynama» (0:2) u piatym tury, ni BATE ŭ druhim matčy paŭfinała Kubka (0:0). Pakul kamanda Ihara Kavaleviča nie vyhladaje pretendentam na vierchnija radki tablicy.
Prahnoz «NN»: totał mienšy za 2,5 (kaeficyjent 1.40).
«Dniapro» — BATE
- 07.05 / 19:30. Mahiloŭ, stadyjon «Spartak»
- Kaeficyjenty: «Dniapro» (pieramoha) — 10.25, ničyja — 4.95, BATE (pieramoha) — 1.31
Kazka «Dniapro», zdajecca, dasiahnuła finału.
Paraza ad «Pramienia» ŭ čempijanacie, potym 1:4 ad bresckaha «Dynama» ŭ Kubku. Na čarzie — hulnia suprać BATE i, ź vialikaj vierahodnaściu, čarhovaja paraza.
Prahnoz «NN»: pieramoha BATE.
Znoŭ zaklikajem vas chadzić na stadyjony i zaŭzieć za ŭlubionyja kłuby. Inšych u nas niama. A kab prahlad futbołu byŭ bolš cikavym, raim zrabić staŭku ŭ Bukmiekierskaj kantory Marafon!
