Армія Ізраіля ўзяла пад кантроль памежны пераход на мяжы сектара Газа з Егіптам
Армія Ізраіля ўзяла пад кантроль памежны пераход Рафах у сектары Газа на мяжы з Егіптам, паведаміла прэс-служба ЦАХАЛ.
Рафах. Фота: AP Photo/Ismael Abu Dayyah
Па словах прадстаўнікоў арміі, на месцы ажыццяўляецца «аператыўны кантроль». Спецыяльныя сілы будуць назіраць за прапускным пунктам, таксама задзейнічаныя бранятанкавыя падраздзяленні.
Як паведамляецца, цэнтральная дарога, якая злучае паўночную і паўднёвую часткі сектара Газа, таксама знаходзіцца пад кантролем Ізраіля.
Паводле паведамлення Ynet, падчас аперацыі былі забітыя 20 тэрарыстаў і выяўленыя тры ўваходы ў тунэлі. Акрамя таго, быў знішчаны начынены выбухоўкай аўтамабіль, ізраільскія салдаты не пацярпелі.
У сваёй заяве аб пачатку аперацыі ў Рафаху вайскоўцы адзначылі, што жыхарам, як і супрацоўнікам міжнародных арганізацый, было прапанавана эвакуявацца.
Рафах — апошні горад на поўдні сектара Газа, які не быў заняты ізраільскімі вайскоўцамі ў ходзе аперацыі.
Чытайце таксама:
Улады Ізраіля вырашылі закрыць тэлеканал Al Jazeera у краіне
Хрэнін пахваліў «мудрую і абачлівую» атаку Ірана на Ізраіль
У брытанскім Лідсе дэпутат пасля перамогі на выбарах падняў сцяг Палесціны і выгукнуў «Алах Акбар»
