Сейм Літвы не стаў абмяжоўваць колькасць паездак беларусаў на радзіму
Сейм Літвы не падтрымаў прапанову абмежаваць колькасць паездак у Беларусь для беларусаў, якія жывуць у Літве, паведамляе LRT.
У аўторак літоўскія парламентарыі пачалі разглядаць прапанову абмежаваць колькасць паездак на радзіму беларусаў Літвы. Праект прадугледжвае, што грамадзяне Беларусі, якія маюць від на жыхарства ў Літве, могуць вяртацца ў Беларусь не часцей, чым раз на тры месяцы.
Аднак большасць парламентарыяў такую прапанову не падтрымала.
За пазбаўленне часовага віду на жыхарства ў Літве тых беларусаў, якія выязджаюць у Беларусь часцей за адзін раз на год, прагаласавалі 20 членаў Сейма, супраць былі 47, устрымаліся 45 дэпутатаў.
За прапанову дазволіць адну паездку на тры месяцы выказаўся 41 член Сейма, супраць — 37, устрымаліся 39 дэпутатаў Сейма.
З прапановаю дазволіць беларусам з літоўскім дазволам на жыхарства ездзіць на радзіму не часцей за адзін раз на тры месяцы выступіў Камітэт па нацбяспецы Сейма Літвы.
Чытайце таксама:
Літва ўзмоцніць мяжу з Беларуссю цяжкімі кулямётамі і супрацьтанкавымі вожыкамі
Літва не збіраецца закрываць яшчэ адзін пункт пропуску на мяжы з Беларуссю
