Патрыярх Варфаламей настойвае на адзінай даце Вялікадня
Усяленскі патрыярх працягвае намаганні, каб усе хрысціяне святкавалі Вялікдзень у адзін дзень.
Вялікдзень у Малінаўцы. Фота: «Наша Ніва»
У мінулую нядзелю Варфаламей накіраваў самыя цёплыя віншаванні ўсім цэрквам-сёстрам, якія ўжо святкуюць Вялікдзень. У той жа час ён у сваім пасланні заявіў, што раздзельнае святкаванне з'яўляецца «скандалам».
У гэтым годзе католікі і пратэстанты, а таксама праваслаўныя ў Фінляндыі, святкавалі Вялікдзень 31 сакавіка. Праваслаўныя будуць святкаваць Вялікдзень 5 мая.
У наступным годзе святкаванні Вялікадня ва Усходніх і Заходняй Цэрквах прыпадае на адзін дзень — 20 красавіка.
Патрыярх падкрэсліў, што шчыра спадзяецца і моліцца, каб гэтае сумеснае святкаванне ў наступным годзе было не выпадковай разавай падзеяй, а пачатковай іскрай для далейшых старанняў па аб'яднанні даты Вялікадня.
Розныя даты Вялікадня на Усходзе і Захадзе абумоўлены рознымі спосабамі яго вылічэння. Напрыклад, праваслаўныя цэрквы, якія жывуць паводле новаюліянскага календара, вызначаюць дату Вялікадня іншым спосабам, чым заходнія Цэрквы, якія правялі грыгарыянскую рэформу календара ў XVI стагоддзі.
У крайнім выпадку даты Вялікадня могуць мець розніцу да пяці тыдняў. Такі выпадак мае месца сёлета.
Чытайце таксама:
Як прыгожа, але экалагічна красіць яйкі да Вялікадня
Каталіцкія манашкі ў Мінску зладзілі на Вялікдзень прабег на самакатах
