Каардынацыйная рада апублікавала графік сваёй выбарчай кампаніі
Выбарчая камісія для правядзення выбараў у Каардынацыйную раду цяпер у працэсе фармавання. Цягам сакавіка пройдзе галасаванне КР па складзе выбарчай камісіі, паведамляецца ў тэлеграм-канале Каардынацыйнай рады.
Да 15 красавіка мае скончыцца фармаванне спісаў выбарчых суб'ектаў і падача дакументаў на рэгістрацыю ў камісію. Запланаваны дэдлайн у рэгістрацыі кандыдатаў — 22 красавіка.
Паводле планаў, агітацыя зойме адзін месяц — з 25 красавіка па 25 траўня. Галасаванне працягнецца тры дні, з 25 па 28 траўня 2024 года. Першыя вынікі абʼявяць не пазней за 29 траўня. На падачу і разгляд скаргаў закладзены перыяд з 29 траўня па 8 чэрвеня. Канчатковыя вынікі выбараў будуць абвешчаныя 8 чэрвеня 2024 года.
Першае пасяджэнне Каардынацыйнай рады трэцяга склiкання плануюць правесці 15 чэрвеня 2024 года.
Чытайце таксама:
