Маму Колі вылучылі ў сенатары
Мінскі гарадскі савет дэпутатаў і Мінскі гарвыканкам вылучылі кандыдатаў у члены Савета Рэспублікі. Спіс апублікавала выданне «Беларусь сёння».
Сярод кандыдатаў — Ірына Абельская, галоўны доктар Рэспубліканскага клінічнага медыцынскага цэнтра і маці Мікалая Лукашэнкі, заўважыў Reform.by.
Таксама сярод кандыдатаў:
Дзмітрый Баскаў — кіраўнік прадстаўніцтва ТАА «Акумулятарны альянс»,
Дзмітрый Жук — дырэктар Выдавецкага дома «Беларусь сёння»,
Марына Ільіна — дырэктарка гімназіі №13 Мінска,
Віктар Кандратовіч — галоўны доктар Мінскага гарадскога анкалагічнага цэнтра,
Наталля Качанава — старшыня Савета Рэспублікі,
Алег Румо — дырэктар Мінскага навукова-практычнага цэнтра хірургіі, транспланталогіі і гематалогіі,
Сяргей Сівец — старшыня Пастаяннай камісіі Савета Рэспублікі па заканадаўстве і дзяржаўным будаўніцтве.
З васьмі кандыдатаў пяцёра — Баскаў, Ільіна, Румо, Сівец і Качанава — з'яўляюцца членамі Савета Рэспублікі 7-га склікання.
Чытайце таксама:
Якія рэчы мы знайшлі ў гардэробе Ірыны Абельскай
Ірына Абельская з'явілася на адкрыцці шыльды сваёй маці
За што пасадзілі дзеда Колі Лукашэнкі: падрабязнасці захапляльнай гісторыі
Дзед Колі Лукашэнкі быў палітвязнем — атрымаў 25 гадоў ГУЛАГа за дапамогу «бандэраўцам»
