Знайсці
15.11.2023 / 11:455РусŁacБел

Беларуская мастачка стварыла калекцыю арыгінальных хустак

У рэчах зашыфраваны два пасланні.

Беларуская мастачка Дар'я Сямчук стварае работы пад псеўданімам Цемра. Яе персанальныя выставы праходзілі ў Празе і Варшаве.

Фота: сайт мастачкі

Змрочнае імя дзяўчына абрала не выпадкова: праз сваю працу яна імкнецца звярнуць увагу на актуальныя праблемы сучаснасці. Дар’я кажа:

«З дапамогай свайго канцэптуальнага мастацтва я апускаюся ў цёмны і балючы бок чалавечай натуры. Я кіруюся верай у тое, што, дзякуючы творчасці і самавыяўленню, можна натхніць на перамены і аддаць даніну павагі ахвярам несправядлівасці».

Фотаздымкі: Ганна Шот

Цемра доўга думае над канцэптам карцін, старанна збірае інфармацыю. Але такі падыход займае шмат часу і таму абмяжоўвае колькасць работ, якія мастачка можа ствараць у год — за гэты тэрмін у яе выходзіць усяго некалькі новых палотнаў. Дар'я задумалася, як пашырыць гэты паказчык:

«Кожнаму мастаку патрэбная малая форма, якая сыходзіла б у народ. У якасці такой я абрала хусткі».

Фотаздымкі: Ганна Шот

Распрацоўваючы калекцыю, майстарка адразу выключыла ўжыванне шоўку — хацелася, каб вырабы адпавядалі веганскім стандартам. Так за аснову быў узяты сучасны паліэстэр.

Фотаздымкі: Ганна Шот

У хустках зашыфраваныя два метапасланні. Першае нагадвае пра Беларусь:

«Усе мае працы прасякнуты беларускім кодам. Жывучы ў ​​эміграцыі, я ўбачыла, што беларусы спрабуюць захаваць сваю самабытнасць і шукаюць сімвалы, якія дапамагалі б ім адрозніваць «сваіх» у натоўпе. Сама я таксама адчуваю гэтую неабходнасць».

Фотаздымкі: Ганна Шот

Каб стварыць рэч, з дапамогай якой чалавек мог бы расказаць пра свае карані, Дар'я упрыгожыла хусткі беларускімі словамі, напісанымі «лацінкай». Фразы нясуць у сабе ўспаміны аб доме і добра зразумелыя кожнаму: BIEŁARUSAČKA, SPADČYNA. Дарэчы, менавіта такія назвы маюць карціны, па матывах якіх зроблены аксесуары.

Фотаздымкі: Ганна Шот

Другі пасыл заклікае купляць працу мастакоў, якія жывуць цяпер. Цемра тлумачыць:

«Мне здаецца, людзі часам забываюцца пра каштоўнасць мастацтва і яго прызначэнне. Сучасны глядач не разумее, якую важную ролю адыгрывае ў захаванні і прасоўванні беларускай культуры. Мне б хацелася нагадаць, што мастакам важная падтрымка і зваротная сувязь».

І дадае: «Мастацтва адлюстроўвае і фармуе культуру як гледача, так і маю. Таму падтрымлівайце любімых мастакоў!»

Фотаздымкі: Ганна Шот

Прэзентацыя хустак пройдзе ў Варшаве 16 лістапада. Першая калекцыя будзе лімітаванай — усяго 35 рэчаў.

Кацярына Гардзеева

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
15.11.2023
Hetyja znaki-maliunki -  heta ž znaki pahanskich časoū, pahanskich bahoū dy inš... 

Cikava, što jany calkam adnoļkavyja z latyskimi, z ich arnamientaū, z nacyjanaļnaha stroju. Vuņ Jumiš, Aūseklis,..i znaki nazvaū miesiacoū hodu jašče taksama...
3
Свобода или Смерть! /адказаць/
15.11.2023
Дурею от твоего платья на фото! Если под ним ничего нет, то это взрывает моё либидо.Яркий кровавый бант сзади на поясе -рвёт мне мозг! Набрасываю тем для реализации! Кепки, бейсболки, кашнэ, банданы. Бросай своё на это и ты поймёшь , что тебя хотят! Купить,знать, Ценить и Уважать!
6
Максим Дизайнер/адказаць/
15.11.2023
Какой кошмар. На сатанинскую мессу само то. На китайской фабрике бы лучше нарисовали. Сразу видно, откуда "дизайнерка" родом. Больная на голову из больной страны. Здесь тоже все поголовно в черном 9 месяцев в году, и пьяные трактористы и модные дизайнеры.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031