Знайсці
20.05.2023 / 22:114РусŁacБел

Збанкрутаваў ільнозавод з амаль стагадовай гісторыяй

10 мая Эканамічны суд Віцебскай вобласці распачаў вытворчасць па справе аб банкруцтве адкрытага акцыянернага таварыства «Лёзненскі льнозавод», амаль усе акцыі якога належаць дзяржаве, пішуць «Народныя навіны Віцебска».

Фота: vitvesti.by

Як вынікае з матэрыялаў справы, ужо з 2018 года льнозавод мае няўстойлівае эканамічнае становішча. Цяпер крэдыторская запазычанасць прадпрыемства складае 4 376 169 рублёў 30 капеек, з якіх 953 947 рублёў 2 капейкі — абавязковыя плацяжы.

На льнозаводзе працуе 55 чалавек, ён займаецца перапрацоўкай ільнотрасты, у тым ліку і для дзяржаўнага прадпрыемства «Лёзна-лён», якое не мае сваіх вытворчых магутнасцяў. Раней ільнозавод таксама сам вырошчваў лён, аднак вясной 2022 года яго перасталі сеяць.

Суд прызначыў на прадпрыемства часовага кіраўніка і вызначыў ахоўны перыяд тэрмінам да 10 ліпеня.

Лёзненскі льнозавод заснаваны больш за 90 гадоў таму, 5 снежня 1930 года. Цяпер ААТ «Лёзненскі льнозавод» структурна ўваходзіць у аб'яднанне «Віцебскабллён».

Калісьці вельмі развітае ў Беларусі льнаводства ўжо шмат гадоў знаходзіцца ў крызісе, Лукашэнка яшчэ ў 2019 годзе загадваў аптымізаваць колькасць ільнозаводаў у Віцебскай вобласці шляхам іх скарачэння. І гэты працэс ідзе да гэтага часу. А рашэнні аб мадэрнізацыі галіны прымаліся яшчэ раней. 

У кастрычніку 2021 года, дарэчы, на Лёзненскім ільнозаводзе адбыўся буйны пажар, які сярод іншага стаў адметны і тым, што падчас яго тушэння памёр намеснік начальніка Віцебскага абласнога ўпраўлення МНС Андрэй Мазоль. У яго не вытрымала сэрца.

Чытайце таксама:

Лён — супережа

Мачулішчы, Мачулішчы… А што значыць па-беларуску «мачулішча»?

Пяць лакальных беларускіх брэндаў адзення, пра якія вы маглі не ведаць. А дарма

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Крэпкій Хазяйственьнік/адказаць/
21.05.2023
Ну от меня так атрымалася 🤷🏻‍♂️
21.05.2023
Такія заводы раней былі ледзь не ў кодным раёне, вось да чаго краіну давёў лукашызм
0
даведка/адказаць/
22.05.2023
Лукашенко своим бездарным управлением развалил всё советское: совхозы, быткомбинаты, льнозаводы, ПМК...
И только районные суды, прокуратуры, отделы милиции и КГБ утопают в роскоши за ключей проволокой.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031