Знайсці
20.05.2023 / 15:435РусŁacБел

«Дзеянні суддзі з'яўляюцца злачынствам пераследу» — праваабаронца пра смерць Мікалая Клімовіча

Беларускі праваабаронца Павел Сапелка пракаментаваў смерць у калоніі палітвязня Мікалая Клімовіча, які пакутаваў ад хваробы сэрца.

Андрэй Бычыла

«Выпадак Мікалая — гэта ясная і выбітная ў сваей цынічнасці расправа над чалавекам за яго перакананні, калі суддзя Андрэй Бычыла, маючы ўсе звесткі пра ўсе абставіны стану здароўя абвінавачванага, маючы магчымасць вынесці хоць і адвольны з пункту гледжання правоў чалавека, але па меншай меры — не звязаны з пазбаўленнем волі, а значыць, не смяротны прысуд, прызначыў самы цяжкі з магчымых відаў пакарання.

Вядома, пры гэтай уладзе суддзя атрымае ад улад толькі падтрымку і адабрэнне, але, з пункту гледжання міжнароднага крымінальнага права, дзеянні суддзі Бычыла з'яўляюцца злачынствам пераследу — пазбаўленне волі па палітычных матывах, а смерць асуджанага абцяжарвае адказнасць вінаватага», — прыводзіць словы Паўла Сапелкі «Вясна».

Пра смерць Мікалая Клімовіча стала вядома 7 мая. 28 лютага Андрэй Бычыла прыгаварыў яго да 1 года пазбаўлення волі за знак «смешна» пад карыкатурай на Аляксандра Лукашэнку.

Мікалай Клімовіч перанёс інсульт і складаную аперацыю на сэрцы і перад прысудам сказаў: «Любое турэмнае знявольванне для мяне — гэта смерць, таму што я павінен быць пад сталым наглядам доктара, прымаць вялікую колькасць моцных лекаў. Я магу не вытрымаць нават месяца».

Чытайце таксама:

Пакаралі за лайк пад карыкатурай Лукашэнкі. Што вядома пра палітвязня Мікалая Клімовіча, які памёр у калоніі

Прадстаўніца Кабінета Вольга Гарбунова пра смерць палітвязня: Колькі яшчэ трэба ахвяр, каб вы насыціліся ўладай?

«Ціхі чалавек з мяккім голасам». Хто тыя суддзя і пракурор, якія адправілі ў калонію блогера Клімовіча — палітвязня, які памёр за кратамі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
даведка/адказаць/
20.05.2023
Белорусские судьи щепетильны лишь при осуждении силовиков и чиновников, чтобы, не дай бог, не посадить.
20.05.2023
[Рэд. выдалена]
0
Я сама непазбежнасць /адказаць/
20.05.2023
Ніякіх судоў над забойцамі не будзе. Будзе хуткі трыбунал.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера