Тарталеткі з рознай начынкай — на выпадак нечаканых гасцей

Фота: elmundoeats.com

Адзін са шматлікіх варыянтаў цеста для пясочных тарталетак (тут з разлікам на вялікую колькасць, таму калі вам не трэба шмат, можна паменшыць складнікі ў два разы):

• 2 яйкі,
• 2 ст. л. малака,
• 200 г масла,
• 400 г мукі,
• 1 ч. л. солі.

Як гатаваць

У глыбокай місцы змяшайце 2 яйкі і малако.

Дадайце размякчанае масла.

Змяшайце ўсё калатоўкай, а яшчэ лепш міксерам. Моцна ўзбіваць не трэба, дастаткова проста давесці да больш-менш аднароднага стану.

Паступова дадавайце муку і размешвайце міксерам ці калатоўкай.

Дадайце соль.

Калі цеста стане тугім, пачынайце замешваць яго рукамі.

Раскатайце цеста на паверхні стала, вазьміце форму для тарталетак і выразайце яе вострай часткай у цесце адпаведныя формы (падобныя да хвалістых акружнасцяў). Кожнае такое колца кладзіце ў форму і прыціскайце па дне і баках формы, прыдаючы форму тарталеткі.

Выпякайце ў духоўцы пры 200°С 25 хвілін.

Тарталеткі з курыцай і спаржай. Фота: louisesmadblog.dk

А вось некалькі ідэй, чым напоўніць тарталеткі:

• чырвоная ікра + тварожны сыр + кроп,
• курыца + грыбы + яйкі + цыбуля,
• яйкі + сыр + зялёная цыбуля + часнок,
• тварожны сыр + авакада + чырвоная рыба,
• печань траскі + яйкі + агурок + плаўлены сыр + зеляніна,
• тунец + яйкі + кукуруза + зеляніна,
• тварог + кінза + зялёная цыбуля + часнок + кроп,
• курыца + ананас + сыр,
• крабавыя палачкі + яйкі + сыр + часнок + маянэз,
• памідоры + сыр + кукуруза + часнок + зеляніна + маянэз або ёгурт,
• сыр фета + памідоры чэры + агурок + зеляніна + часнок,
• морква па-карэйску + яйкі + сыр + маянэз + зеляніна.

Смачна есці!

Чытайце яшчэ:

Рэцэпты велікоднага стала: крашанкі, паска, запечанае мяса

Рэцэпт на выхадныя. Тарт фламбэ — смак Эльзаса

Рэцэпт на выхадныя. Кіш з сыру і цыбулі — простая французская страва

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

6

1

0

0

1

1