На кастынг «Міс Беларусь» у Брэсце прыйшла ўсяго адна дзяўчына ФОТА
16 красавіка ў Брэсцкім ГДК прайшоў гарадскі адбор Нацыянальнага конкурсу прыгажосці «Міс Беларусь». Адразу стала зразумела, што канкурэнцыі не будзе, піша «Вечерний Брест».
«Паспаборнічаць» прыйшла ўсяго… адна дзяўчына.
Фота: «Вечерний Брест»
Як прызналіся члены журы, ахвотніцы яшчэ былі. Аднак іх прыйшлося адсеяць на стадыі падачы заявак. Часцей за ўсе прэтэндэнткі не адпавядалі аднаму з галоўных крытэрыяў — росту. Ён павінен быць не меншым за 174 сантыметры. Век — ад 18 да 24 гадоў.
Так што ўся ўвага была прыкаваная да Марыі Куляшовай з Кобрынскага раёна. Рост дзяўчыны — 180 см, «косы да зямлі». Ёй 20 гадоў. Выкладчык па класе баяна-акардэона ў аграгарадку Кісялёўцах.
Фота: «Вечерний Брест»
Фінал рэспубліканскага конкурсу «Міс Беларусь» павінен быў прайсці яшчэ ў маі 2020-га. Аднак не адбыўся з-за пандэміі. І вось цяпер было прынята рашэнне «дабраць» удзельніц.
