У Рэчыцкім раёне калодзежнай вадой атруцілася немаўля. Як высветлілі пазней спецыялісты, узровень ўтрымання нітратаў у вадзе апынуўся ў 33 разы вышэй за норму, піша Tut.by са спасылкай на газету «Днепровец».
Інцыдэнт адбыўся яшчэ ў снежні мінулага года. У рэанімацыю Гомельскай абласной бальніцы ў цяжкім стане даставілі месячнае немаўля з Рэчыцкага раёна. У дзіцяці былі зафіксаваныя сімптомы метгеаглабінеміі (хваробы, якая характарызуецца зніжэннем здольнасці крыві пераносіць кісларод у выніку скарачэння ўзроўню нармальнага гемаглабіну). На шчасце, немаўля ўдалося выратаваць.
Сталі высвятляць прычыну. Аказалася, што мама дзіцяці на вадзе са звычайнага калодзежа прыгатавала дзіцячую сумесь.
Спецыялісты праверылі ваду і жахнуліся — утрыманне нітратаў у ёй было ў 33 разы вышэй за норму. Калодзеж тут жа закрылі, распавяла загадчык аддзялення камунальнай гігіены Рэчыцкага ЗЦГіЭ Аліна Мурашка.
