Грамадзянін Малдовы спрабаваў завезці ў Беларусь 80 кілаграмаў гашышу
Буйную партыю наркотыкаў, якія павінны былі рэалізоўвацца на тэрыторыі Расіі, выявілі ў памежным пропуску Брэст.
28.03.2023 / 07:51
Увезены гашыш. Фота ДПК
Малдоўскі грамадзянін ехаў на аўто з Польшчы ў Беларусь, а наркотыкі схаваў у тайніку, абсталяваным паміж падлогай і дном машыны.
Памежнікі змаглі высветліць, што наркотыкі везлі не ў нашу краіну, а да суседзяў — у Санкт-Пецярбург. Праз пяць дзён брэсцкая міліцыя разам з калегамі з Расіі змагла затрымаць і арганізатара канала пастаўкі. Ім аказаўся грамадзянін РФ.
А на грамадзяніна Малдовы, які перавозіў гашыш, распачалі крымінальныя справы. Мужчына можа правесці ў зняволенні да пятнаццаці гадоў.
Літоўская мытня ўзмацняе кантроль: з Беларусі масава вязуць украінскія грыўні
На літоўскай мяжы зафіксавалі новы рэкорд цыгарэтнай кантрабанды з Беларусі