Польшча высылае вайсковага аташэ Беларусі
Беларускі аташэ па пытаннях абароны пакіне Польшчу ў найбліжэйшы час, паведаміў Польскаму прэс-агенцтву (PAP) прэс-сакратар польскага Міністэрства замежных спраў Лукаш Ясіна. Гэта адказ Польшчы на рашэнне Мінска выслаць з Беларусі афіцэра сувязі польскай памежнай аховы і двух супрацоўнікаў польскага консульства ў Гродне.
23.02.2023 / 22:39
Фота: www.gov.pl
«Беларускі аташэ па пытаннях абароны хутка пакіне Польшчу», —сказаў прэс-сакратар дыпламатычнага ведамства.
Паводле яго, высланыя беларускім рэжымам афіцэр сувязі памежнай службы Польшчы і два супрацоўнікі консульства Польшчы ў Гродне Беларусь ужо пакінулі.