Kavid viartajecca. Usiamu vinoj novyja štamy, i voś ich simptomy
Pandemija nie daje pra siabie zabyć — kolkaść vypadkaŭ kavidu ŭ śviecie znoŭ pajšła ŭvierch. Za heta adkaznyja novyja štamy chvaroby pad nazvaj BA.4 i BA.5. Pračytajcie, jakija simptomy mohuć na ich ukazvać.
12.07.2022 / 15:51
Fota: pixabay.com
Novyja štamy kavidu čaściej za ŭsio prajaŭlajucca simptomami, padobnymi da prastudy. Heta nasmark, bol u horle, hałaŭny bol, ustojlivy kašal i stomlenaść. Pra lichamanku kažuć mienš čym tracina apytanych pacyjentaŭ.
Pry hetym ŭ štamu VA.5 jość niekalki ŭnikalnych simptomaŭ, jakija adroźnivajuć jaho ad papiarednika. Razmova idzie pra stratu niuchu i pra zvon u vušach. Ekśpierty prapanujuć stavicca da hetych prajavaŭ chvaroby vielmi surjozna: mahčyma, jany aznačajuć, što chvaroba zakranuła vobłaść arhanizma blizka da hałaŭnoha mozha.
Jość jašče adzin simptom, jaki śviedčyć pra zaražeńnie štamam VA.5 — heta načnaja patlivaść. Pacyjenty z takoj viersijaj kavidu paciejuć tak mocna, što ich pižamy i paścielnaja bializna časam całkam pramakali.
Novyja štamy raspaŭsiudžvajucca bolš chutka, čym papiarednija. U toj ža čas niama śviedčańniaŭ, što chvaroba, vyklikanaja im, praciakaje bolš ciažka ŭ paraŭnańni ź minułymi padvaryjantami kavidu.
Na dumku daktaroŭ, lepšy sposab spynić źjaŭleńnie novych štamaŭ — heta vakcynacyja, u tym liku i ŭviadzieńnie bustarnych pryščepak. Čym bolš ludziej prajšli poŭny kurs vakcynacyi, tym mienš u virusa mahčymaściej raspaŭsiudžvacca i muciravać.