Ідэя ўстаноўкі побач з
Легенда кажа, што ў гэтым месцы, калі ў гарачы дзень пад нагамі плавіліся зямля і камяні, ішла Ева з катом і сабакам.Так на камні і засталіся сляды — жаночай ногі
Васіль ужо не першы год займаецца адраджэннем народных традыцый.
— Хачу далучыць народ да дасягненняў продкаў, якія, на жаль, сыходзяць у нябыт. Адраджаць трэба тое, што дапамагала ўпрыгожваць цяжкае жыццё нашых дзядоў і прадзедаў. У мяне ў аграсядзібе ёсць свой маленькі этнаграфічны музей, у якім пачэснае месца займаюць і ручнікі, і самавары, і прылады працы нашых продкаў. Тут можна ўбачыць рысорную брычку ваенных гадоў, жорны, фібулы (металічная зашпілька на вопратцы ў выглядзе брошкі), элемент бранзалета і многае іншае, — кажа ён.
Народная векавая гісторыя, традыцыі знаходзяць у «Полсвіжы» другое жыццё — няхай гэта будзе вечар народных танцаў або проста сустрэча гасцей сядзібы. З асаблівым трымценнем Васіль ставіцца да таго, што засталося ад продкаў. «Нашы вёскі знікаюць, і калі мы гэтага не захаваем, застанецца пустая зямля», — заяўляе ён.
Сядзіба «Полсвіж» знаходзіцца ў вёсцы Вялікі Полсвіж побач з азёрамі Полсвіжскае і Доўгае. Уяўляе сабой драўляны дом. Васіль Шкіндзер прапануе сваім гасцям адпачыць ад гарадской мітусні, папарыцца ў лазні, парыбачыць, летам — пакатацца на лодцы па возеры або ціха паляжаць на пляжы.
— Не хацелася б казаць пра канкрэтныя лічбы, але я лічу развіццё аграсядзібаў адным з самых перспектыўных напрамкаў сельскага бізнэсу. Так, цяпер у нас людзей няма, але летам кожны тыдзень былі кліенты. І гэта пры тым, што актыўна на гэтым рынку мы працуем толькі два гады, — кажа Васіль.
Усяго ў Віцебскай вобласці зарэгістраваныя і працуюць каля 400 аграсядзібаў.
