Як стала вядома НН, Меір Даган сёння яшчэ знаходзіцца ў хірургічнай рэанімацыі. Стан яго цяжкі, тэмпература цела нармалізавалася — 36,6. Магчыма, пасля абеду Дагана перавядуць у іншае аддзяленне.
Раней паведамлялася, што былому шэфу ізральскай разведкі ў Беларусі перасадзілі печань. Аперацыю праводзіў французскі хірург, якому дапамагалі ізраільскія дактары. У сераду яго стан ацэньваўся як крайне цяжкі.
Родныя разведчыка заявілі, што
ён выбраў Беларусь для аперацыі толькі таму, што ў Германіі і ЗША яму трэба было працяглы час чакаць перасадкі печані. А ў Ізраілі такія аперацыі асобам пасля 65 гадоў не робяць. Між тым у Беларусі знайшоўся адпаведны орган.
Пра знаходжанне Меіра Дагана ў беларускім шпіталі расказаў 16 кастрычніка Аляксандр Лукашэнка падчас прэс-канферэнцыі прадстаўнікам расійскіх СМІ.
0
0
0
0
0
0