Група археолагаў, якая займаецца гісторыяй авіяцыі Другой сусветнай вайны, у часе адной з экспедыцый у Панямонне знайшла зусім не тое, на чым яны спецыялізуюцца. Камень, а на камені — крыж, а на іншым баку — некалькі людскіх постацяў.
Акадэмічныя археолагі паставіліся да знаходкі скептычна, адразу прыгадваючы «сенсацыйны» Расонскі ідал, які аказаўся свежай падробкай.
«Дзіўна, што ікону толькі знайшлі, а ўжо смела называюць час стварэння, — дзеліцца сумневамі Максім Чарняўскі. — Каб дакладна гаварыць, яе трэба даследаваць».
Старшы навуковы супрацоўнік Інстытута гісторыі АН Эдвард Зайкоўскі таксама ў ацэнках асцярожны: «На фотаздымках я не заўважыў ніякіх хрысціянскіх матываў: выява чалавека з узнятымі рукамі не характэрная для хрысціянства, больш нагадвае дагістарычныя малюнкі».
«Першыя каменыя іконы з’явіліся ў Беларусі нашмат раней, — расказвае спадар Зайчкоўскі. — Захаваліся шыферныя абразкі з XIII стагоддзя. Гэта вырабы з мяккага каменя, які прывозілі да нас з поўначы Украіны».
Дзмітрый Кіенка, адзін з гісторыкаў, якія знайшлі камень, пакуль расказвае мала: «Ікона знаходзіцца на тым самым месцы, дзе мы яе знайшлі. Болей інфармацыі, чым тая, што была ў інтэрнэце, мы даць не можам. Толькі варта ўдакладніць, што насамрэч мы маем не адзін, а тры варыянты.
У апошнім выпадку крыж мог быць дабаўлены пазней.
Што тычыцца месца, то Дзмітрый Кіенка яго не выдае: кажа толькі пра поўдзень Шчучынскага раёна.
Гісторыкі маюць намер перадаць знаходку ў адзін з музеяў.
Як і выпадку з ідалам, сумневы выклікае тое, што камень выглядае як «новы», без слядоў моху і налётаў.
У Інтэрнэце ўжо множацца ідэі, што на камені насамрэч выяўленыя іншапланетнікі. Надта ж незвычайныя гэтыя формы.
