Каскадзёрка прайшла па канаце між дзвюма фурамі на поўнай хуткасці.
Рэкламны ролік аўтаканцэрна Volvo з небяспечным трукам, які выканала каскадзёр Фэйт Дыкі, набраў амаль мільён (967 867) праглядаў за тры дні, паведамляе The Drum.
23-гадовая Фэйт усталявала сусветны рэкорд па хайлайне — хаджэнні па канаце, нацягнутым высока над зямлёй. У роліку Дыкі павінна прайсці па канаце, нацягнутым між двума грузавікамі, якія рухаюцца. Пры гэтым запас часу ў эквілібрысткі абмежаваны — яна павінна прайсці па канаце да таго, як грузавікі дасягнуць двух паралельных тунэляў.
Пастаноўкай трука ў роліку займаўся Пітэр Пэдэра, які рабіў трукі для галівудскіх фільмаў, такіх як «Гары Потэр», «Ультыматум Борна» і «Адважнае сэрца». Ролік здымаўся на закрытай трасе ў Харватыі.