Сёння спаўняецца 86 гадоў а. Аляксандру Надсану — кіраўніку Беларускайбібліятэкі-музея імя Францішка Скарыны ў Лондане, апостальскаму візітатару для беларусаў каталікоў замежжа, аўтарытэтнаму і грунтоўнаму навукоўцу.
Айцец Аляксандр прыйшоў на свет 8 жніўня 1926 г. у заходнебеларускім мястэчку Гарадзея. Увесну 1944 г. скончыў Нясвіжскую настаўніцкую семінарыю, а праз некалькі тыдняў разам з курсантамі Мінскай афіцэрскай школы БКА вымушаны быў пакінуць радзіму. З восені 1944 г. ваяваў у складзе
У 1946 г. жаўнеры корпусу былі эвакуяваныя ў Брытанію, дзе пачалося актыўнае беларускае грамадскае жыццё. Сп. Аляксандр спрычыніўся да стварэння галоўнай нацыянальнай арганізацыі — Згуртавання беларусаў у Вялікабрытыніі, нейкі час быў яе старшынёй. У 1953 г., пасля таго як скончыў матэматычны факультэт Лонданскага ўніверсітэта, выехаў у Рым, дзе скончыў Грэцкую калегію (духоўную семінарыю для каталікоў усходняга абраду).
23 лістапада 1958 г. прыняў святарскія пасвячэнні, а ў ліпені 1959 г. вярнуўся ў Лондан.
Ад 1961 г. айцец Аляксандр стаў кіраўніком беларускай школы імя св. Кірылы Тураўскага ў Лондане. Праз яе цягам пятнаццаці гадоў прайшлі больш як два дзясяткі вучняў, якім выкладаліся асновы беларусаведы.
У 1971 г. з’явіўся яшчэ адзін абсяг працы.15 траўня адбылося ўрачыстае адкрыццё Беларускай бібліятэкі імя Францішка Скарыны — аднаго з найбуйнейшых збораў беларускай перыёдыкі і кнігадруку ў Заходняй Еўропе. Асновай бібліятэкі сталі кнігазборы Часлава Сіповіча, Лява Гарошкі і самога Аляксандра Надсана. Апошні і стаў кіраўніком бібліятэкі і ў справе ейнага папаўненьня рэдкімі выданьнямі шмат паезьдзіў па кніжных аўкцыёнах сьвету.
Метадычна збіранне кніг і ўсіх друкаў, звязаных з Беларуссю, стала для айца Аляксандра Надсана неад’емнай часткай жыцця. Сёньня Скарынаўка мае не толькі лепшыя за Беларускую нацыянальную бібліятэку зборы эміграцыйнай перыёдыкі і друкаў, але і акупацыйных выданняў. Асаблівы гонар бібліятэкі — рэдкія старажытныя беларускія выданні.
Прадмет навуковых зацікаўленняў самога а. Аляксандра Надсана вельмі шырокі: асоба Кірылы Тураўскага, Францішак Скарына і беларускае кнігадрукаванне,
Яшчэ адзін важны напрамак дзейнасці — пераклад беларускіх літургічных тэкстаў. Вынік гэтай працы — выдадзены ў 2002 г. малітоўнік «Госпаду памолімся», перакладаў літургічныя тэксты.
Са смерцю а. Часлава Сіповіча ў 1981 г. а. Аляксандр узначаліў Беларускую Каталіцкую Місію ў Брытаніі, а ад канца1980-х стаў апостальскім візітатарам длябеларусаў-каталікоў замежжа.
Пасьля 1986 г. у Вялікабрытаніі паўсталі дабрачынныя таварыствы дапамогі ахвярам чарнобыльскай катастрофы. Аляксандр Надсан узначаліў Камітэт дапамогі ахвярам радыяцыі і сам некалькі разоў суправаджаў гуманітарныя канвоі ў Беларусь альбо ладзіў летнія адпачынкі для дзяцей у Вялікабрытаніі ды Ірландыі.
***
«Наша Ніва» далучаецца да віншаванняў.
