Галоўны дзяржаўны ветэрынарны інспектар Беларусі Юрый Піваварчык 1 сакавіка тэрмінова выехаў ва Украіну для высвятлення прычын часовага прыпынення ўвозу з Беларусі малочных прадуктаў і свініны. Пра гэта гаворыцца ў паведамленні на сайце Дэпартамента ветэрынарнага і харчовага нагляду Мінсельгасхарчу.
«З боку дзяржаўнай ветэрынарнай і фітасанітарнай службы Украіны на адрас дзяржаўнай ветэрынарнай і харчовай службы Рэспублікі Беларусь афіцыйных паведамленняў аб прэтэнзіях да якасці і бяспекі пастаўленай харчовай прадукцыі жывёльнага паходжання не паступала», — падкрэсліваецца ў паведамленні.
- 10 лютага гэтага года на ААТ «Полацкі малочны камбінат» паступіла прэтэнзія ад прыватнага прадпрыемства «Прэм’
ерпрадукт-Жытомір » на якасць масла сметанковага «Сялянскае». На ўзроўні гэтых двух гаспадарчых суб’ектаў вядзецца разбор.
Па запыце ад 24 лютага 2012 года дзяржаўнай ветэрынарнай і фітасанітарнай службы Украіны Дэпартаментам ветэрынарнага і харчовага нагляду падрабязна інфармаваны ўкраінскі бок аб праведзеных у Гродзенскай вобласці рэгіянальных вучэннях дзяржаўнай ветэрынарнай службы нашай краіны па пытаннях недапушчэння заносу і распаўсюджвання афрыканскай чумы свіней. «
Украіна 1 сакавіка
Рашэнне прыпыніць увоз на ўкраінскую тэрыторыю малака і малочных прадуктаў з Беларусі не з’яўляецца палітычным, заявіў 1 сакавіка на брыфінгу ў Кіеве першы намеснік кіраўніка Дзяржаўнай ветэрынарнай і фітасанітарнай службы Украіны Уладзімір Гаржэеў.
«Гэта прафесійныя дзеянні ўкраінскай фітасанітарнай службы… Гаворка ідзе пра бяспеку і здароўе грамадзян», — цытуе Гаржэева РІА Новости.
Паводле яго слоў, Дзяржветслужба з пачатку кастрычніка 2011 года фіксавала значнае перавышэнне колькасці антыбіётыкаў у беларускіх малочных прадуктах. У прыватнасці, колькасць пеніцыліну ў малацэ ў некаторых выпадках у чатыры разы перавышала дапушчальныя нормы, паведаміў ён.
Гаржэеў таксама сказаў, што Украіна адменіць санкцыі ў дачыненні да Беларусі ў выпадку, калі ветэрынарная служба суседняй краіны дасць дакументальнае пацвярджэнне таго, што яна поўнасцю кантралюе сітуацыю са станам здароўя, хваробамі жывёл і ўтрыманнем антыбіётыкаў у малацэ і малочных прадуктах.
Беларусь штомесяц пастаўляе ва Украіну каля 100 тыс. тон малака.