Супраць чарговага распаўсюдніка парнаграфіі ў інтэрнэце Следчым камітэтам 30 студзеня была заведзеная крымінальная справа.
«Ім аказаўся 19-гадовы навучэнец Пінскага каледжа, які пражывае ў вёсцы Узляжжа Столінскага раёна. Малады чалавек з мэтай распаўсюджвання і рэкламавання відэазапісаў парнаграфічнага зместу 13 сакавіка і 29 чэрвеня 2011 года, знаходзячыся па месцы жыхарства, скапіяваў з сайта „Вконтакте“ відэазапісы парнаграфічнага характару і размясціў на папярэдне створанай ім асабіста старонцы карыстальніка пад сваім імем», — расказаў начальнік аддзела інфармацыі і грамадскіх сувязяў УУС Брэсцкага аблвыканкама Сяргей Дучэнка.
