Пасольства Літвы не адкрыла візы групе прадстаўнікоў афіцыйных беларускіх СМІ, якія былі запрошаны на нараду па бяспецы журналістаў у рэгіёне АБСЕ. Мерапрыемства праходзіць у Вільні 7 і 8 чэрвеня.
Гнеўную заяву ў сувязі з гэтым ад імя Беларускага саюза журналістаў распаўсюдзіла БелТА.
У заяве сцвярджаецца, што прадстаўнікі БСЖ атрымалі запрашэнне для ўдзелу ў нарадзе, падпісанае намеснікам міністра замежных спраў Літвы Эвальдасам Ігнатавічусам. Але нягледзячы на наяўнасць афіцыйнага запрашэння ад МЗС Літвы на гэтае мерапрыемства, літоўскае пасольства адмовіла прадстаўнікам БСЖ ў візе,
спаслаўшыся на санкцыі, уведзеныя Радай ЕС.
«Гэта беспрэцэдэнтны крок. Ён сведчыць аб негатыўных тэндэнцыях у разуменні сучаснага развіцця грамадства, якія праяўляюцца ў асяроддзі еўрабюракратаў. Відавочна, гэта рашэнне выклікана нежаданнем дапускаць кантакты паміж грамадскімі арганізацыямі Беларусі і
«Прадстаўнікі БСЖ валодаюць дакладнай інфармацыяй аб тым, што кіраўніцтва ЕС хавае ад еўрапейскай грамадскасці факт ўключэння журналістаў у спісы грамадзян, якім забаронены ўезд у краіны ЕС» — гаворыцца ў паведамленні.
