Аляксандр Лукашэнка 14 сакавіка падпісаў указ № 109, якім унесены дапаўненні ва ўказ ад 7 лютага 2006 года № 80 «Аб правілах прыёму ў вышэйшыя і сярэднія спецыяльныя навучальныя ўстановы», паведаміла ягопрэс-служба .
У прыватнасці, дакумент рэгулюе пытанне паступлення абітурыентаў у ВНУ і ССНУ на спецыяльнасці сферы культуры і мастацтва, а таксама давання дадатковых ільгот пры паступленні ваеннаслужачым зводнай роты ганаровай варты.
Залічэнне абітурыентаў у Беларускую дзяржаўную акадэмію музыкі і Беларускую дзяржаўную акадэмію мастацтваў будзе ажыццяўляцца па конкурсе на аснове агульнай сумы балаў, падлічанай па выніках уступных іспытаў па прадмеце «творчасць» і сярэдняга бала сумы балаў, атрыманай па выніках здачы цэнтралізаванага тэставання і сярэдняга бала дакумента аб адукацыі. «Такая мера дазволіць фарміраваць кантынгенты гэтых ВНУ найболей творча адоранымі маладымі людзьмі», — адзначаецца ў паведамленні
Таксама прадугледжана першачарговае залічэнне на творчыя спецыяльнасці на ўмовах аплаты абітурыентаў, якія здавалі ўступныя іспыты па прадмеце «творчасць» або ўступныя іспыты па спецыяльнасці ў гэтай вышэйшай ці сярэдняй спецыяльнай навучальнай установе.