Святочныя дні
— Я спакойна прайшоў праз прахадную, аддаў пуцявы ліст, пасля чаго мне паставілі ўсе пячаткі, — пазней распавёў Іван Мікалаевіч супрацоўнікам ДАІ.
У 11.40 кіроўца заехаў на дыспэтчарскую станцыю на абед. За паўгадзіны ён умудрыўся не толькі перакусіць, але і выпіць. Чамусьці дыспетчар не звярнула на яго ўвагі і без усялякіх пытанняў паставіла штамп, што з кіроўцам усё ў парадку. А пасля 12 гадзін дня ён перастаў выходзіць на сувязь з аўтапаркам. Там захваляваліся і паслалі на маршрут кантралёраў, каб яны даведаліся, у чым справа. Як толькі яны ўбачылі, што Іван Мікалаевіч п’яны, адразу ж патэлефанавалі ў міліцыю. У 2 гадзіны дня яго затрымалі інспектара ДАІ.
— Калі мы спынілі кіроўцу, то прыкметы алкагольнага ап’янення былі навідавоку. У мужчыны была хісткая паходка, ён не трымаўся на нагах.Яго адразу ж даставілі ў медыцынскую ўстанову. Выявілася, што
ў яго крыві знаходзілася 1,9 (!) праміле алкаголю, што супастаўна адной бутэльцы гарэлкі, —распавёў падрабязнасці камандзір узвода ДПС АДАІ Ленінскага РУУС Мінска Міхаіл Карніевіч.
Пасажырам «п’янага» аўтобуса прыйшлося выйсці з салона і дачакаць іншага транспарту на прыпынку. Вядома, што ў Івана Мікалаевіча стаж кіроўцы — 20 гадоў. З 2003 года ён працуе ў аўтобусным парку № 6. Ніякіх прэтэнзій да яго раней не было.
У гэтай гісторыі трэба адказаць яшчэ на шмат пытанняў. Але самы галоўны — як п’янага кіроўцу дыспетчар магла дапусціць да працы? У ДАІ гавораць, што вінаваты не толькі мужчына, але і жанчына. Зараз за такую халатнасць
дыспетчару пагражае штраф ад 2 да 8 базавых велічынь (70—280 тысяч рублёў). П’янага кіроўцу пазбавяць правоў на тры гады і аштрафуюць на вялікую суму.Дарэчы, праз тры гады ён ізноў можа працаваць кіроўцам аўтобуса, але пасля такой п’янай язды яго наўрад ці возьмуць на працу.
Званок у аўтобусны парк
«Ён кажа, што проста запіў таблеткі півам!»
— Учора мы звольнілі кіроўцу за знаходжанне на рабочым месцы ў стане алкагольнага ап’янення. У 6 раніцы ён ніяк не мог выпіць, бо прайшоў ўрача і быў здаровы. У тлумачальнай ён напісаў, што ў раёне 12 гадзінаў дня запіў таблеткі півам, — кажа дырэктар філіяла «Аўтобусны парк № 6» Аляксандр Цішкевіч. —
Ён афганец, пасля смерці жонкі адзін выхоўвае дачку.
П’яныя кіроўцы аўтобусаў, тралейбусаў і трамваяў — гэта рэдкасць для Менска. У ДАІ толькі ўзгадалі выпадак, калі 5 гадоў таму каля Чэрвенскага рынку затрымалі падшафэ кіроўцу тралейбуса.
А вось у Маскве практычна кожны год на п’янстве трапляюцца машыністы метро. Напрыклад, тры гады таму пасля расстання з жонкай машыніст з гора напіўся і праехаў станцыю.
