Міліцыянты затрымалі праваабаронцаў Алеся Бяляцкага, Валянціна Стэфановіча і Ірыну Тоўсцік, а таксама журналіста Сяргея Сыса.
Праваабаронцы наладзілі пікет супраць выканання двух новых выпадкаў смяротнага пакарання ў Беларусі. Акцыя праходзіла каля адміністрацыі прэзідэнта на вуліцы Энгельса.
А 15-й гадзіне праваабаронцы выйшлі з расцяжкай «Не — смяротнаму пакаранню» да будынку прэзідэнцкай адміністрацыі. Акцыя працягвалася некалькі хвілінаў, пасля чаго ахоўнікі выклікалі міліцыю.Затрыманых спачатку трымалі ў Ленінскім РУУС, а затым адвезлі на Акрэсціна, дзе яны правядуць ноч.
Алесь Бяляцкі — віцэ-прэзідэнт Міжнароднай федэрацыі правоў чалавека. Стэфановіч і Тоўсцік аддаўна займаюцца абаронай людскіх правоў.
0
0
0
0
0
0
