Каністры са спіртам. Фота: тэлеграм-канал «Крэпасць»
Супрацоўнікі Бярозаўскага РАУС у сваім тэлеграм-канале паведамі, што выявілі ў хляве ў 62-гадовага жыхара раёна 300 літраў спірту.
Падчас праверкі міліцыянты канфіскавалі з гаспадарчай пабудовы на тэрыторыі дома некалькі дзясяткаў каністраў, у якіх знаходзілася вадкасць «з рэзкім, характэрным пахам спірту». Мужчына растлумачыў, што прывёз алкаголь з-за мяжы для асабістых патрэб, а таксама для таго, каб пачаставаць аднавяскоўцаў.
Супрацоўнікі МУС угледзелі прыкметы адміністрацыйнага правапарушэння, якое прадугледжана часткай 3 артыкула 13.21 КаАП. Прызначаная хімічная судовая экспертыза. Калі выявіцца, што вадкасць каністрах гэта сапраўды спірт, мужчыну пагражае штраф ад 10 да 100 базавых велічынь (400-4000 беларускіх рублёў).
Чытайце таксама:
На беларуска-латвійскай мяжы ў дальнабойніка знайшлі «экстрэмізм» у тэлефоне — мужчыну аштрафавалі
У Беларусі мяняецца закон аб рэкламе. Да чаго рыхтавацца блогерам і простым карыстальнікам сацсетак?
