Ірына Максімовіч. Фота: старонка Ірыны ў інстаграме
«Мяне звольнілі з мадэльнага агенцтва», — распавяла Максімовіч і патлумачыла, што дырэктар быў з Украіны.
«Найду сабе іншае», — гаворыць яна. Паводле яе слоў, ёй ужо дасылаюць прапановы іншыя агенцтвы, яна спадзяецца і надалей прадстаўляць Беларусь на розных конкурсах.
Паводле слоў Максімовіч, ужо нават украінцы выказваюць ёй словы падтрымкі.
З 15 па 25 лютага ў Ліване прайшоў конкурс прыгажосці «Міс Еўропа — 2024». Першае месца на ім заняла прадстаўніца Расіі, трэцяе — віцяблянка Ірына Максімовіч.
Крыху пазней выбухнуў скандал. Украінская ўдзельніца Мілена Мельнічук паскардзілася ў сацсетках, што трапіла на конкурсе ў «пекла» праз абразы і пагрозы з боку арганізатараў. А ўжо пасля фіналу беларуска Ірына Максімовіч пачала крычаць на ўвесь аўтобус і абражаць украінскую ўдзельніцу. Гэта відэа з віцяблянкай Мілена выклала ў сеціва.
Максімовіч пазней патлумачыла, што такім чынам абараняла сваю краіну і сямʼю.
Чытайце таксама:
Драма ў Мінску: дзяўчыне падарылі 151 ружу не таго памеру
Ботакс: калі і ў якіх выпадках яго прымяняць?
Са студэнткі ў Сеуле ў маму ў Мінску. Як дзяўчына адна гадуе дачку ад карэйца
