Фота: James Brooks / AP
Стакгольм адправіць механізаванае падраздзяленне памерам з батальён для ўдзелу ва «ўзмоцненай перадавой прысутнасці» NATO: гэта шматнацыянальная аператыўная група пад кіраўніцтвам Канады, якая павінна стаць першай лініяй абароны супраць магчымага ўварвання Расеі ў краіны Балтыі. Шведскі батальён будзе размяшчацца там у 6-месячнай ратацыі з аналагічным па колькасці дацкім падраздзяленнем, піша Delfi.lv.
Швецыя ўжо з'яўляецца паўнапраўным удзельнікам манеўраў НАТА Steadfast Defender 2024 («Устойлівы абаронца 2024»), найбуйнейшых з часоў Халоднай вайны. Яны праводзяцца ў розных краінах альянсу. Удзельнічаюць у іх і марскія пяхотнікі ЗША, якія адточваюць навыкі катання на лыжах у Паўночнай Нарвегіі.
Вучэнні, якія афіцыйна пачаліся 22 студзеня, працягнуцца да траўня. Удзел у іх бяруць 90 000 вайскоўцаў.
Чытайце таксама:
Орбан працягвае гульню. Венгерскі парламент не змог прагаласаваць за далучэнне Швецыі да НАТА
Турэцкі парламент ухваліў заяўку Швецыі на ўступленне ў НАТА
НАТА: Трэба рыхтавацца да таго, што ў наступныя 20 гадоў пачнецца вайна з Расіяй
Напад Расіі на краіну НАТА магчымы праз пяць-восем гадоў — Мінабароны Нямеччыны
