Ілюстрацыя: Getty Images
Кітайскім хакерам удалося ўзламаць унутраную пошту Дзяржаўнага дэпартамента ЗША (амерыканскага МЗС) і выкрасці адтуль 60 тысяч электронных лістоў.
Пра гэта агенцтву Reuters на ўмовах ананімнасці распавёў памочнік аднаго з сенатараў ЗША, які нядаўна прысутнічаў на закрытым брыфінгу Дзярждэпа па гэтай праблеме.
«Кітайскія хакеры пачалі атакаваць серверы Дзярждэпа ЗША яшчэ ў пачатку года. У выніку яны змаглі ўзламаць 10 сховішчаў унутранай дакументацыі з 60 тысячамі электронных лістоў, большая частка якіх датычылася рэгіёнаў Усходняй Азіі і Ціхага акіяна», — паведаміла крыніца агенцтва Reuters на ўмовах ананімнасці.
Сам Дзярждэпартамент ЗША пакуль ніяк не пракаментаваў здарэння. Тэма магчымых сувязяў хакераў з якімі-небудзь крымінальнымі групоўкамі або з кітайскім урадам таксама не раскрывалася.
Нагадаем, што нядаўна кампанія Meta (уладальнік Facebook і Instagram) змагла спыніць самую буйную ў свеце прапагандысцкую кампанію Кітая ў сацыяльных сетках.
Чытайце таксама:
Праект «Пегас» — рэвалюцыя ў шпіянажы
Следчыя Еўропы атрымаюць новы інструмент пошуку кіберзлачынцаў
