Фота тут і далей: Realt.by
На дом звярнуў увагу тэлеграм-канал «Будні рыэлтара», піша Realt.by.
Катэдж знаходзіцца на вуліцы Лясной у элітнай вёсцы Тарасава, за два кіламетры ад МКАД. У аб'яве напісана, што гэта самае высокае месца Тарасава. Побач ёсць лес са сцежкамі для прагулак, вадаём, недалёка цэнтр коннага спорту ў Ратамцы.
Агульная плошча катэджа — амаль 700 квадратных метраў, жылая — 270. У доме два жылыя паверхі, а таксама цокальны і мансардавы. Для перасоўвання па чатырохпавярховым доме ўсталяваны ліфт. Ёсць камін на дровах.
У доме чатыры спальні, у кожнай з якіх стаіць вялікі двухспальны ложак. У некаторых ёсць тэлевізар, шафы і працоўнае месца.
Санвузлоў у доме тры.
У доме дзве тэрасы на першым і чацвёртым паверхах, ёсць трэнажорная зала.
Стаяць шклопакеты з металапластыку Rehau, кандэнсацыйны кацёл De Dietrich Innovens PRO MCA 90 (90 кВт) з кіраваннем тэмпературай паветра на кожным паверсе і пунктавым рэгуляваннем з тэрмастатамі ва ўсіх батарэях дома. Праведзены оптавалаконны інтэрнэт і спадарожнікавае тэлебачанне. Ёсць сігналізацыя і трывожныя кнопкі, а таксама сістэмы кандыцыянавання і ўвільгатнення паветра.
Плошча ўчастка — 15 сотак. Сцены цагляныя, дах з ліставой металадахоўкі. Ацяпленне газавае, каналізацыя цэнтральная. Артэзіянская вада са свідравіны.
На ўчастку асобна стаіць SPA-комплекс плошчай 120 «квадратаў» з басейнам, саўнай і пакоем для адпачынку. Таксама ёсць гараж на два аўтамабілі з разеткамі для электракараў.
Цана дома — 1 500 000 даляраў. У аб'яве напісана, што можна таргавацца.
