Аляксей Навальны ў турме. Скрыншот відэа
«Мне пагражае 30 гадоў па гэтай справе, мабыць, пажыццёвае па наступнай», — заявіў палітык, выступаючы па відэасувязі ў Басманным судзе Масквы.
Таксама вядома, што палітыка чарговы раз адправілі ў штрафны ізалятар. 25 красавіка, калі ён выйшаў з ШІЗА пасля 15 сутак, яго зноў адправілі ў ізалятар на той жа тэрмін.
«Як прынята казаць у такіх выпадках — вяха! Для мяне адмянілі жалезнае правіла турмаў, якое выконвалася і ў СССР, і ў Расіі: пасля «квача» у ШІЗА зэка трэба хоць бы на суткі «падняць» на зону перад тым, як даць яшчэ аднаго «квача». Зламаў сістэму. Праўда, у няправільны бок», — з сумам дадаў палітык.
Са жніўня 2022 года Аляксея Навальнага адпраўляюць у штрафны ізалятар ужо 14-ы раз. Раней адміністрацыя калоніі адпраўляла яго ў ізалятар праз тое, што палітык, напрыклад, не зашпіліў гузік паводле статуту, не правільна прадставіўся або «прысеў на шконку».
Чытайце таксама:
Аляксея Навальнага збілі ў калоніі
Навальны да гадавіны нападу на Украіну апублікаваў праграмны тэкст. Згадаў і Беларусь
