Фота: «Чырвоны Кастрычнік»
Пра спілаваныя дрэвы «Нашай Ніве» расказаў мясцовы жыхар.
«Пачалі да абласных «Дажынак» рыхтавацца, і не без дурасці. Спілавалі старыя зялёныя насаджэнні ўздоўж Савецкай вуліцы, людзі абураюцца. На фотаздымках нашай газеты маштаб не так бачны.
Абяцаюць пасля новыя пасадзіць. Але мы ж разумеем, як гэта бывае. Як на праспекце ў Мінску. І не ведаю, ці былі грамадскія абмеркаванні праекта добраўпарадкавання, як гэта прынята», — кажа ён.
Фота: «Чырвоны Кастрычнік»
Як паведамілі мясцовай раёнцы «Чырвоны Кастрычнік» ў аддзеле жыллёва-камунальнай гаспадаркі, архітэктуры і будаўніцтва райвыканкама, дрэвы па вуліцы Савецкай ад гасцініцы да крамы «Дары ад зары» выкарчоўваюцца ў сувязі з тым, што
яны перашкаджаюць далейшаму добраўпарадкаванню і сучаснаму абнаўленню цэнтральнай вуліцы гарпасёлка.
«Пад каштанамі пралягаюць камунікацыі да аб'ектаў, у якіх будзе праводзіцца рэканструкцыя, і таму ў іх выкарчоўванні ёсць вострая тэхнічная неабходнасць. Але хвалявацца не варта: пасля завяршэння работ уздоўж вуліцы зноў будуць высаджаны новыя пасадкі. А значыць, маладыя дрэўцы ўпрыгожаць наш родны пасёлак і стануць добрым дадаткам да абноўленага і сучаснага аблічча нашай малой радзімы», — піша «Чырвоны Кастрычнік».
Чытайце таксама:
У аграгарадку пад Мсціславам жыхары талакой будуюць капліцу
У Гродне затрымалі праваабаронцу Віктара Сазонава. Cілавікі былі ў баявой амуніцыі
«Аператыўна рэагаваць на дэструктыўныя працэсы ў СМІ». Дэпутаты зноў рыхтуюць змены ў закон аб медыя
