Працягваюцца суды над супрацоўнікамі Полацкага гісторыка-культурнага музея-запаведніка
Сёння супрацоўнік музея кандыдат філасофскіх навук Ігар Бортнік пакараны 10 суткамі арышту, а фатограф Ігар Супранёнак — 15 суткамі. Таксама стала вядома, што 30 сакавіка ў судзе Полацкага раёна і горада Полацка 15 сутак прысудзілі былой супрацоўніцы запаведніка Алене Ходзікавай.
Акрамя таго, 31 сакавіка на 15 сутак арыштавалі старшых навуковых супрацоўнікаў запаведніка Касцючэнку і Шыбко, піша «Позірк».
Паводле неафіцыйнай інфармацыі, затрыманых абвінавачваюць у «распаўсюдзе экстрэмісцкіх матэрыялаў» (арт. 19.11 КаАП), каментарах і лайках у сацсетках і месенджарах.
Вядома, што асуджаны на 10 сутак Ігар Бортнік мае сур'ёзныя праблемы са здароўем, у яго была «доўгая і складаная рэабілітацыя пасля не вельмі ўдалай аперацыі па лячэнні міжпазваночнай грыжы».
Чытайце таксама:
Сталі вядомыя прысуды некаторым полацкім музейшчыкам, а таксама спіс затрыманых
Частку затрыманых супрацоўнікаў Полацкага музея-запаведніка вызвалілі. Але канфіскавалі тэхніку і прызначылі суды
Прайшлі ператрусы і затрыманні сярод полацкіх музейшчыкаў
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
