Раменскі растлумачыў, што падчас вячэрняй інфармацыйнай праграмы ў чацвер ён быў яе шэф-прадзюсарам, які сярод іншага праз слухаўкі можа рабіць падказкі вядучаму.

«Сам у поўнай меры нясу адказнасць за той выпуск. «Сядзеў на вуху» шэф-рэдактарам. Доўг загадвае пакласці значок і рэвальвер на стол. Што і раблю. «Дождь», каралева-маці, але вы дапусцілі жахлівую памылку», — не пагадзіўся з рашэннем кіраўніцтва тэлеканала Раменскі. На яго думку, «Дождь» «прынёс у ахвяру» свайго чалавека.

Лютава таксама лічыць, што людзі маюць «права на памылку і права публічна паразумецца да публічнага звальнення». На яе думку, рэакцыя канала на скандал супярэчыць дэклараваным ім прынцыпам гуманізму, адкрытасці і сумленнасці.

Карасцялёў, зачытваючы ў эфіры просьбу рэдакцыі адпраўляць паведамленні на пошту тэлеканала аб парушэннях пры мабілізацыі, дадаў (відаць, ад сябе): «мы спадзяёмся, што многім вайскоўцам у тым ліку мы змаглі дапамагчы, напрыклад, з рыштункам і проста з элементарнымі выгодамі на фронце».

Гэтыя словы выклікалі бурную рэакцыю з боку сацсетак і ўладаў Латвіі, і яшчэ ў ноч на пятніцу галоўны рэдактар «Дождя» Ціхан Дзядко папрасіў прабачэння за іх, а днём начальніца службы навін Кацярына Катрыкадзэ абвясціла аб спыненні супрацоўніцтва з Карасцялёвым. «Кіраўніцтва «Дождя» лічыць яго адзіна правільным і магчымым», — сказала яна ў прамым эфіры.

Тым не менш Служба дзяржбяспекі Латвіі пачала праверку з-за сказаных Карасцялёвым слоў. У пятніцу таксама стала вядома аб другім парушэнні, выяўленым за апошнія месяцы ў эфіры «Дождя» латвійскім рэгулятарам — трэцяе папярэджанне прывядзе да адклікання ліцэнзіі. «Звальненню, калі яно выратуе тэлеканал і дазволіць маім калегам і далей працаваць, я не пярэчу», — запэўнівае Карасцялёў, маючы на ўвазе працу тэлеканала ў Рызе.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

6
даведка / Адказаць
03.12.2022
Всем всё было ясно, когда главный редактор Тихон Дзядко и его жена, руководитель информационной службы канала Екатерина Котрикадзе начали зачистку на канале с корифея "Дождя" Павла Лобкова, но молодая поросль тогда смолчала, а теперь получите и распишитесь. "Дождь" семейная чета вычистила, как когда-то уничтожили НТВ и РЕН-ТВ.
1
1 / Адказаць
03.12.2022
Если брать белорусские оппозиционные СМИ, то там тоже хватает кандидатов на высадку. Иной раз такую пургу гонят, что дивишься, как это лукавое кгб им еще денег не подкидывает на поддержание штанов.
1
Нина / Адказаць
03.12.2022
Право на ошибку имеют обычные люди, особенно болтая в тесном кругу на кухне. Журналист - эта дама Лютова, надо понимать, считается журналистом - может ошибиться, но не имеет на это права. Журналист несет ответственность за свой текст и свои слова в эфире.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру