Украіна сцвярджае, што ў «ліманскім катле» каля 5 тысяч расіян
На раніцу 1 кастрычніка ў акружэнні ў горадзе Ліман Данецкай вобласці знаходзяцца каля 5 тысяч расійскіх вайскоўцаў. Пра гэта паведамляе кіраўнік Луганскай ваеннай адміністрацыі Сяргей Гайдай, піша «Українська правда».
«Акупанты папрасілі ў свайго кіраўніцтва магчымасць выйсці, на што атрымалі адмовы. Цяпер у іх ёсць тры варыянты: паспрабаваць прарвацца, альбо здацца, альбо разам загінуць. Там іх каля 5 тысяч», — заявіў украінскі чыноўнік.
Гайдай дадаў, што цяпер усе шляхі падвозу туды зброі альбо выхаду групоўкі ўжо адрэзаныя.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
