«Вести недели» з Кісялёвым 

«Вельмі цяжкі тыдзень на франтах спецаперацыі. Перагрупоўванне нашых баявых парадкаў», — адразу задае тон перадачы Дзмітрый Кісялёў, вядучы праграмы, якая была амаль цалкам прысвечаная расійска-ўкраінскай вайне. 

Прапагандысты не сталі прыхоўваць горкую праўду ад расіян, але, вядома, выкарыстоўвалі спецыфічную лексіку для апісання ўцёкаў Расіі. 

Увесь час і Кісялёў, і рэпарцёры выкарыстоўвалі слова «перагрупоўванне», але пры гэтым дадаючы, што адбылося яно «пад націскам перавышаючых сіл праціўніка». 

«Падобна, характар, і нават маштаб дзеянняў Расіі падчас спецаперацыі (вайны, — заўв. НН) ва Украіне пачынае змяняцца. Мы дзейнічаем куды больш рашуча. Жарты скончыліся!», — кажа Кісялёў, з захапленнем расказваючы, як Расія знішчае ва Украіне энергетычную інфраструктуру. 

«Хлопцы настроеныя па-баявому, гатовыя працаваць. Усё зробім для таго, каб адстаяць і забраць. Рускія не здаюцца. Рускі — гэта стан душы. З намі Бог!» — заяўляе ў сюжэце расійскі вайсковец, які ледзь падбірае словы, каб не перайсці на маты. 

Рэпарцёры і сам Кісялёў увесь час пазбягаюць выкарыстання слоў «украінская армія». Ужываюцца фармулёўкі «фармаванні рэжыму», «кіеўскія баевікі», «бандэраўскія тэрарысты» і іншыя. Гэта робіцца па зразумелай прычыне. Калі адна армія ваюе супраць іншай арміі, яна павінна выконваць нормы міжнароднага гуманітарнага права, правілы вядзення вайны. А вось ваюючы супраць тэрарыстаў і незаконных узброеных фармаванняў, выконваць гэтыя нормы не абавязкова, таму Расія і робіць усё, каб не называць украінскую армію арміяй. 

Прапагандысты апраўдваюцца: так, мы пакінулі Харкаўшчыну, а вось ва ўкраінцаў шкода яшчэ большая, дый кіравалі там усім заходнія інструктары. 

«А вось гэты выстрал будзе помстай таварышам украфашыстам», — гаворыць у кадры нейкі расійскі салдат.

Бухае гармата. 

«Вось, а цяпер я шчаслівы», — задаволена кажа расіянін. 

«Амерыка і НАТА настроеныя максімальна зацягнуць канфлікт ва Украіне», — зноў бярэ слова Кісялёў і расказвае, што канфлікт вакол Украіны нібыта распаліла Амерыка, якая хоча пасварыць Расію з наіўнай і дурной Еўропай. 

Паказалі ў перадачы і выступленне Пуціна на форуме ва Уладзівастоку. Па версіі расійскага прэзідэнта, у спыненні паставак расійскага газу ў Еўропу вінаватыя… украінцы і палякі. 

«Мы нічога не страцілі і не страцім… Мы яшчэ нічога не пачыналі з пункту гледжання ваенных дзеянняў, мы імкнёмся толькі скончыць», — хлусіць Пуцін на форуме. 

На акупаваных Расіяй тэрыторыях, гаворыцца ў перадачы, людзі стараюцца «проста жыць». Крамлёўскае СМІ малюе ідылічную карціну жыцця пад акупацыяй: пенсіі плацяцца, дамы і дарогі будуюцца, дзеці нараджаюцца і гэтак далей. 

«Вызвалены ад украінскіх нацыстаў Марыупаль імкліва вяртаецца да нармальнага жыцця», — кажа прапагандыст.

У сюжэце пахваліліся, што акупацыйная адміністрацыя аднавіла ажно тры школы ў амаль цалкам зруйнаваным горадзе (дзе да вайны жыло 450 тысяч чалавек). 

Ва ўсіх зруйнаваных будынках былі «базы Азова», сцвярджае прапагандыст. 

Але ў выніку Расія ўсё адбудуе, усіх накорміць, напоіць і сагрэе, абяцаюць прапагандысты. 

У адрозненне ад жыхароў Марыупаля і Херсона, заходнім краінам, па версіі прапагандыстаў, пашанцавала менш. Еўропу чакае холад і голад, гаворыцца ў перадачы. 

Еўрапейцы бунтуюць і вось-вось знясуць свае ўрады, санкцыі супраць Расіі знімуцца, Украіна падзе і вайна скончыцца на ўмовах Расіі — прапагандысты не прыхоўваюць гэтага разліку Крамля. 

«60 минут» са Скабеевай

Прапагандыстка Вольга Скабеева пачынае перадачу, хвалячыся, што расійская армія нанесла ўдары па аб’ектах крытычнай інфраструктуры ў раёне Крывога Рога. 

«Сем крылатых ракет пашкодзілі дамбу на Карачунаўскім вадасховішчы. Дамба атрымала сур’ёзныя пашкоджанні, з-за чаго ў рацэ Інгулец падняўся ўзровень вады.

Крывы Рог (а гэта радзіма Зяленскага) амаль цалкам затоплены», — трыумфуе і смяецца Скабеева. 

Насамрэч, узровень вады падняўся на метр-два, былі падтопленыя дачы і прыватны сектар, але ўкраінскія камунальныя службы цягам некалькіх гадзін прынялі меры для выпраўлення сітуацыі.

«Мы ў хуткім часе будзем гуляць па Мікалаеве і вызваленай Адэсе. Калі нехта расказвае нам пра нашы паражэнні, я нагадаю толькі словы нашай рускай класікі. 

«Запомните, враги, наш тактический приём.
Когда мы отступаем, это значит, мы вперёд идём». 

Таму што маці-прырода хутка прынясе нам зіму, падчас якой усё стане зразумелым», — кажа ў перадачы расійскі калабарант у Херсоне Кірыл Страмавусаў. 

Далей Скабеева і госці перадачы накінуліся на Урсулу фон дэр Ляен за яе апошнюю прамову, у якой тая заявіла, што санкцыямі ЕС зруйнаваў расійскую эканоміку, а расійскім вайскоўцам даводзіцца браць мікрасхемы для крылатых ракет у пасудамыйных машынах.

— Яна павінна рыхтавацца да выпадзення з акна, — кажа прапагандыст Дзмітрый Ягорчанкаў.

Скабеева ж пасмяялася з таго, што фон дэр Ляен па першай прафесіі гінеколаг. 

Госці перадачы абурыліся, што фон дэр Ляен спакойна ездзіць у Кіеў, Зяленскі едзіць у Ізюм, але ўсё гэта здараецца толькі таму, што Расія вельмі добрая.

«Логіка, якая пачынаецца цяпер з нанясеннем удараў па жыццёва важнай інфраструктуры (у тым ліку па дамбе Крывога Рога, — НН) — думаю, гэта правільная логіка. Немагчыма ўвесь час жыць у логіцы, калі мы пастаянна вельмі добранькія. Яны не разумеюць!» — дадае Ягорчанкаў. 

Далей госці пераключыліся на дэфіцыт мікрачыпаў у Расіі, якія ёй так патрэбныя для вытворчасці крылатых ракет. 

Каментатар Дзмітрый Абзалаў наракае: праз амерыканскія санкцыі на пастаўкі мікрачыпаў у Расію, нібыта, цярпяць у першую чаргу Паўднёвая Карэя, Японія і Тайвань, амерыканскія саюзнікі. Маўляў, гэтыя краіны не могуць прадаваць цяпер свае чыпы ў Расію і праз гэта іх чакае крызіс. 

Прапагандыст цалкам ігнаруе той факт, што расійскі рынак быў далёка не галоўным для сусветных вытворцаў мікрачыпаў. Ды і ў свеце цяпер назіраецца дэфіцыт чыпаў — у тайваньцаў і карэйцаў праблем з попытам няма. 

«Захад у асобе ЗША хоча аказаць уздзеянне на Расію і прымусіць яе адмовіцца ад суверэннай замежнай палітыкі, прадаваць бясплатна свае рэсурсы. Украіна ў гэтым выпадку ўсяго толькі інструмент уздзеяння Захаду на Расію», — кажа расійскі прапагандыст Старыкаў. 

Вайну ва Украіне, вядома, развязала Амерыка, вывеўшы свае войскі з Афганістана, кажа Старыкаў. 

Маўляў, дзве вайны Амерыка б не пацягнула, і калі б вайна пачалася і там, і там, то Расія пачала б узбройваць ісламістаў і талібаў, не прыхоўвае Старыкаў. 

Далей госці пераключаюцца на Еўропу.

«Я, канечне, не эксперт у эканоміцы, але спецыялісты мне сказалі, што Германія перажывае дэіндустрыялізацыю», — сказаў сенатар ад Мурманскай вобласці Канстанцін Доглаў. 

Насамрэч, Германія застаецца сусветным лідарам у прамысловасці, тады як прамысловасць Расіі застаецца адсталай, а аснову экспартных даходаў РФ па-ранейшаму складае сыравіна.

«Вечар з Уладзімірам Салаўёвым»

«Моц рускага духу і веліч рускага салдата павінны раз і назаўсёды растлумачыць Еўропе і ўсім, хто вагаецца ў тым, хто і як умее перамагаць. І не дазваляць усялякай нацысцкай свалаце хіхікаць і спрабаваць выціраць ногі аб нашых герояў», — пачаў сваю перадачу Салаўёў. 

«Трэба ствараць міжнародную кааліцыю! Чаму мы ўвесь час адмаўляемся гэта рабіць? Ёсць жа Сірыя, ёсць нашы людзі ў Афрыцы, ёсць Венесуэла, Нікарагуа, ёсць Куба, ёсць Іран і Паўночная Карэя!» — абураецца прапагандыст. 

Потым Салаўёў пачаў каментаваць зварот фон дэр Ляен.

«А чаму ты гаворыш па-англійску? Чаму Урсула гаворыць на мове краіны, якая выйшла з ЕС? Чаму яна гаворыць не на роднай нямецкай? Каб паказаць залежнасць ад свайго гаспадара?» — не сунімаецца Салаўёў, забыўшыся, што англійская мова з’яўляецца афіцыйнай у Ірландыі і на Мальце, а значыць, і ва ўсім ЕС. 

«Урсула, кайн-кайн! Шпрэхен зі дойче! Ні ўніжай свой радной езыкен! Гаварі па-немецкі», — вішчыць Салаўёў, малпуючы нямецкі акцэнт і манеру вымаўлення Гітлера. 

Салаўёў, як і Скабеева, пакпіў з першай прафесіі фон дэр Ляен: 

— Урсула, я разумею, што вы гінеколаг. Заставаліся б у прафесіі, не ганьбіліся б. 

Віталь Траццякоў, дэкан МДУ, абмяркоўваючы вайну ва Украіне, пайшоў яшчэ далей. Прафесар прапанаваў ва ўмовах вайны перафарматаваць адміністрацыйнае ўстройства Расіі, стварыўшы прыфрантавую акругу, а таксама абураецца, што насельніцтва на акупаваных тэрыторыях нелаяльнае да Расіі. 

Таксама ён панаракаў, што Украіна б’е па расійскай тэрыторыі і тэрыторыях, занятых расійскай арміяй. Таму, падвёў Траццякоў, з украінцамі цырымоніцца не трэба. 

«Можа быць, наша насельніцтва нам усё ж даражэйшае за ўкраінскае?» — пытаецца ён. 

Таксама дэкан МДУ паскардзіўся, што сярод этнічных украінцаў, што жывуць у Расіі, вельмі шмат нелаяльных, намякаючы такім чынам на неабходнасць фільтрацыйных працэдур. 

«Свет не ідэальны! Не трэба казаць, што мы будзем выконваць усе юрыдычныя нормы і правілы вядзення вайны! Адмоўцеся ад гэтых правіл!» — заклікае расійскі прафесар. 

Салаўёў прапануе ўвагнаць Украіну ў каменны век.

«Каб яны баяліся, яны павінны пабачыць моц рускай зброі.

Вось Украіна збіраецца пастаўляць у Еўропу электраэнергію. Якую электраэнергію будзе пастаўляць Украіна? Цяпер самы час пазбавіць іх усялякай магчымасці. Увагнаць у каменны век», — спакойна кажа Салаўёў. 

А што ўсё ж з адступленнем расійскай арміі?

Слова бярэ дэпутат Дзярждумы Андрэй Картаполаў: «На харкаўскім кірунку дзейнічала не ўкраінская армія, а натаўскія злучэнні і часткі. А наша армія — найлепшая ў свеце!

Гэтая армія працягвае перамагаць у спецыяльнай ваеннай аперацыі! Мы сутыкнуліся непасрэдна з натаўскай арміяй, зразумелі, што яна з сябе ўяўляе.

Ну і ўсё, рабяты, усё зараз пойдзе зусім па-іншаму! Вось удар па дамбе — гэта сіметрычны адказ», — кажа дэпутат. 

label.reaction.like
11
label.reaction.facepalm
101
label.reaction.smile
36
label.reaction.omg
13
label.reaction.sad
12
label.reaction.anger
48

Хочаш падзяліцца важнай інфармацыяй ананімна і канфідэнцыйна?

1
За дакладнасьць ! / Адказаць
16.09.2022
Фу-уў. Навошта я гэты чытаў. Як гаўна паеў...
1
Железный Дровосек / Адказаць
16.09.2022
Вторая армия третьего мира))) ВСУ продемонстрировали всем,что все эти годы нормальный Мир зря церемонился с ордой и пасовал перед ее никчемной армией ,состоящей из отборного отребья—садистов, насильников и мародёров. Сейчас,натурально, «все изменится»—пригожин подгонит зеков и уж те так навоюют,что опять «Киев за три дня» и «Украину в каменный век». Да тут намечается палеолит кое-кому другому.. Удивляться радости этой скуластой скабеевой и другим уралоидам не приходиться—у них патологическая ненависть к Украине и Европе.
1
:': / Адказаць
16.09.2022
"С нами Бог " - так это был девиз фашистского вермахта, тех , кто убивал наших предков.чувак походу занимается оправдыванием нацизма , и те кто это ретранслирует до кучи тоже.если ты озвучивашь лозунги нацистов , то ты и есть подпевала нацистов.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру