У Нямеччыне затрымалі чатырох беларускіх работнікаў— нелегалаў
Учора супрацоўнікі мытні прыйшлі на будоўлю пад горадам Зігмарынген у зямлі Бадэн-Вюртэмберг на поўдні Нямеччыны. Пры іх з'яўленні з пляцоўкі збеглі трое з чатырох беларускіх плітачнікаў, кінуўшы заплечнікі з пашпартамі і асабістымі рэчамі, паведамляе Presseportal.
Праўда, пазней яны пераапрануліся, вярнуліся і паспрабавалі пераканаць мытнікаў, што з'яўляюцца турыстамі.
Мытнікі не паверылі і праінфармавалі міграцыйныя ўлады. Беларусаў чакае дэпартацыя. Праблемы таксама ўзніклі і ў польскага працадаўцы: у дачыненні да яго распачатае расследаванне.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
