Байдэн: Злучаныя Штаты будуць рашуча рэагаваць, калі Расія працягне ўварванне ва Украіну
Прэзідэнт ЗША Джо Байдэн даў зразумець, што Злучаныя Штаты і іх саюзнікі будуць рашуча рэагаваць, калі Расія працягне ўварванне ва Украіну. Аб гэтым ён сказаў Уладзіміру Зяленскаму ва ўчорашняй тэлефоннай размове, паведамляе Белы дом.
«Прэзідэнт Байдэн падкрэсліў прыхільнасць Злучаных Штатаў і іх саюзнікаў і партнёраў прынцыпу «нічога пра вас без вас».
Ён пацвердзіў прыхільнасць суверэнітэту і тэрытарыяльнай цэласнасці Украіны. А таксама выказаў падтрымку наконт мер умацавання даверу для дээскалацыі напружанасці на Данбасе і актыўнай дыпламатыі для прасоўвання рэалізацыі Мінскіх пагадненняў у падтрымку нармандскага фармату», — паведамляе Белы дом.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
