41-гадовы мужчына з горада Чжэньцзян у канцы красавіка адчуў жар, праз некалькі дзён з-за пагаршэння стану ён звярнуўся да доктара і быў шпіталізаваны. Да цяперашняга часу яго стан стабілізаваўся і амаль цалкам адпавядае крытэрыям для выпіскі з бальніцы.
28 мая Нацыянальны цэнтр па кантролі і прафілактыцы захворванняў пасля атрымання матэрыялаў пацыента правёў іх аналіз і прыйшоў да высновы, што мужчына быў інфікаваны H10N3. Да цяперашняга часу ўсе людзі, што кантактавалі з ім, змешчаныя пад медыцынскае назіранне. Тых, хто захварэў, сярод іх пакуль не выяўлена.
Як адзначаецца ў паведамленні ведамства, «H10N3 паходзіць ад птушак, бо аналіз геному паказаў, што вірус не валодае эфектыўнай здольнасцю заражаць чалавека». Раней у свеце не было зафіксавана ні аднаго выпадку заражэння людзей H10N3, вірус перадаецца паміж птушкамі і мае нізкую патагеннасць.